जापानी र जापानबस्ने नेपाली बोकेर फुकुओका उड्दै नेपाल एयरलाइन्स

26 May, 2020 22:32 | जापान | comments | 108000 Views

नेपाल वायु सेवा निगम (नेपाल एयरलाइन्स)ले जापानको फुकुओका शहरमा पहिलो पटक उडान गर्दैछ । नेपालमा लकडाउनका कारण रोकिएका केही जापानी र जापानमा बसोबास गर्ने नेपाली गरी २६० हाराहारी यात्रु बोकेर चार्डर उडान गर्न लागेको हो ।

निगमको वाइडबडी ए–३३० जहाजले मंगलबार राति फुकुओका शहरमा चार्टर्ड उडान गर्ने कार्यतालिका रहेको निगमले जनाएको छ । बन्दाबन्दीको अवधिमा निगमको जापानमा यो छैटौं उडान हो ।

  

त्रिभुवन अन्तर्राष्ट्रिय विमानस्थलबाट राति ९ः०० बजे उड्ने वाइड बडी जहाज फुकुओका शहर पुगेर बुधबार दिउँसो १ः३० बजे काठमाडौँ अवतरण गर्नेछ । काठमाडौँ–फुकुओका गन्तव्यको उडान करिब ६ घण्टाको हुनेछ ।

निगमक प्रवक्ता अर्चना खड्काले निगमले पहिलो पटक फुकुओका शहरमा चार्टर्ड उडान गर्न लागेको जानकारी दिनुभयो । पछिल्लो पटक यही जेठ ११ गते निगमले नारितामा पाँचौ पटक चार्टर्ड उडान गरेको थियो ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More