डा. भट्टराई बस्ने स्थान कहाँ हो ? संसदले व्यवस्था गर्नुपर्यो

6 August, 2019 21:02 |राजनीति | comments | 23250 Views

    केही समय अघिसम्म संसदमा पूर्व प्रधानमन्त्री तथा नयाँ शक्ति नेपालका संयोजक डा. बाबुराम भट्टराईको स्थान अलग्गै थियो र एक्लो सांसदका रुपमा रहनुभएका डा. भट्टराई संघीय समाजवादी फोरमसंग पार्टी एकता भएपछि उहाँको स्थान सत्तापक्षकै लहरमा हुनुपर्ने हो तर उहाँ स्वतन्त्र सांसद बस्ने लहरमा बसेपछि उहाँको स्थानका विषयमा नेकपाका सांसदले प्रश्न उठाए ।

    मंगलबार प्रतिनिधिसभाको बैठकमा डा. भट्टराई स्वतन्त्र सांसदको लहरमा बसेको देखेपछि संसदमा अनौठा अनौठा तर्क गर्ने नेकपा सांसद बिरोध खतिवडाले डा. भट्टराईको बस्ने स्थानबारे प्रश्न उठाउँदै संघीय समाजवादी फोरम नेपालका पार्टी अध्यक्ष उपेन्द्र यादवकै नेतृत्वमा सरकार छ ।

    adsads

    पार्टीका सांसदहरु सत्तापक्षको सिटमा बस्छन् भने डा. भट्टराई किन अर्को लहरमा भन्दै खतिवडाले प्रश्न गर्नुभयो । तत्कालीन संघीय समाजवादी फोरम र डा. भट्टराई नेतृत्वको तत्कालीन नयाँ शक्ति पार्टीबीच एकता भएर समाजवादी पार्टी बनेको छ ।

    सांसद खतिवडाले प्रश्न गर्नुभयो पूर्वप्रधानमन्त्री माननीय डा बाबुराम भट्टराईजी अहिले जहाँ बसिरहनुभएको छ, त्यो नै सही हो या संसदले व्यवस्थापन ठीक नगरेको हो ? या उहाँले एकता प्रक्रियालाई सही गरेर इन्कार गरेको हो, त्यसकारण पूर्व प्रधानमन्त्रीज्यूलाई बस्ने उपयुक्त ठाउँको व्यवस्था गर्दै बस्ने ठाउँ देखाइदिनुहुन पनि अनुरोध गर्दछु ।

    खतिवडाको जिज्ञासापछि संसद बैठक सञ्चालन गरिरहेकी उपसभामुख शिवमाया तुम्बाहाम्फेले निर्वाचन आयोगले पार्टी एकीकरण भएको जानकारी सहित पत्राचार नगरेकाले डा भट्टराई पुरानै स्थानमा बसेको बताउँदै औपचारिक रुपमा पत्राचार भएपछि उपयुक्त स्थानमा बस्ने व्यवस्था गर्ने जानकारी दिनुभयो ।

    नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

    तपाईंको प्रतिकृया

    Loading...

    ताजा समाचार

    फेसबुक

    ट्वीटर

    सामाजिक सञ्जाल

    More