तनहुँमा नेता पौडेललाई गिरफ्तार गरेको बिरोधमा काठमाडौंमा प्रदर्शन

3 December, 2020 00:20 | राजनीति | comments | 33150 Views

बुधबार दिउँसो तनहुँमा पुल उद्घाटन गर्न जानुभएका नेपाली कांग्रेसका वरिष्ठ नेता रामचन्द्र पौडेललाई प्रहरीले पक्राउ गरेपछि त्यसको बिरोधमा बुधबार सााझ काठमाडौंमा नेपाली कांग्रेसका कार्यकर्ताले प्रदर्शन गरेका छन् ।

नेता पौडेललाई पक्राउ र दुर्व्यवहार गरेको भन्दै नेपाल विद्यार्थी संघ (नेविसंघ) केन्द्रीय समितिले माइतीघर मण्डलामा प्रदर्शन गरेको हो । विद्यार्थीहरूले विरोध प्रदर्शन गर्नुको साथै नाराबाजी समेत गरेका थिए ।

  

तनहुँको पुल उद्घाटनमा जान लागेका नेता पौडेललाई प्रहरीले व्यास नगरपालिका वडा नम्बर १ तालघरेबाट बुधबार दिउँसो पक्राउ गरेर तीन घण्टापछि रिहा गरेको थियो ।

घटनाको नेपाली कांग्रेसले कडा आपत्ति जनाउँदै सरकारबिरुद्ध कडा कदम चाल्ने चेतावनी दिएको छ । कांग्रेस सभापति शेरबहादुर देउवाले एक विज्ञप्ति जारी गरी यस्तो चेतावनी दिनुभएको हो ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More