दीपक मनाङ्गे बिरुद्ध उजुरी : अदालतको आदेशपछि पक्राउ गर्ने तयारी

23 January, 2020 13:14 | गण्डकी प्रदेश , प्रदेश | comments | 25950 Views

गण्डकी प्रदेशसभा सदस्य राजीव गुरुङ (दीपक मनाङे) विरुद्ध अखिल नेपाल फुटबल सङ्घ (एन्फा) कास्कीका अध्यक्ष मिलन गुरुङले प्रहरीमा जाहेरी दिनुभएको छ । आफूलाई प्रदेशसभा सदस्य गुरुङले मङ्गलबार कुटपिट गरेको भन्दै उहाँले जिल्ला प्रहरी कार्यालयमा जाहेरी दर्ता गराउनुभएको हो । जिल्ला प्रहरी कार्यालयका प्रहरी उपरीक्षक दानबहादुर कार्कीले जाहेरी प्राप्त भएको र हाल संसद् चलिरहेकाले अदालतसँगको परामर्शमा अन्य कानूनी प्रक्रिया अघि बढाइने बताउनुभयो । त्यसअघि अध्यक्ष गुरुङले घटनाबारे पत्रकार सम्मेलन आयोजना गरी प्रदेशसभा सदस्य गुरुङबाट मङ्गलबार मुख्यमन्त्री कप प्रदेशस्तरीय फुटबल प्रतियोगिता उद्घाटनका बेलामा आफूमाथि योजनाबद्धरूपमा हातपात भएकाले ज्यानको सुरक्षाका लागि जिल्ला प्रशासन तथा जिल्ला प्रहरी कार्यालयमा उजुरी दिने बताउनुभएको थियो ।

प्रदेशसभा सदस्य गुरुङले पनि पत्रकार सम्मेलन गरी मुख्यमन्त्री कपका लागि मनाङबाट सहभागी डाँफे युवा क्लबका खेलाडीलगायतको टोलीलाई अभ्यासस्थल र उचित आवासको व्यवस्था नगरेको र आयोजक समितिले एन्फा र फिफाबाट प्राप्त हुने पैसामा अनियमितता गरेको आरोप लगाउनुभयो । एन्फा अध्यक्ष गुरुङले विभिन्न व्यक्ति तथा संस्थालाई विभिन्न प्रतियोगिताको पैसा बुझाउन बाँकी रहे पनि नतिरिकन हिँड्ने गरेको प्रदेशसभा सदस्य गुरुङको भनाइ छ ।

  
नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

दूध

फेसबुक

दूध

ट्वीटर

सामाजिक सञ्जाल

More