दैलेखमा एक वर्षीय बालकसहित थप आठजनामा संक्रमण, कुल संक्रमित नौसय ९०

28 May, 2020 16:35 | जल/वातावरण/स्वास्थ्य | comments | 25500 Views

बिहिबार मध्यान्हसम्म नेपालमा कोरोना संक्रमितको संख्या नौ सय ९० पुगेको छ । पछिल्लोपटक कर्णाली प्रदेशको दैलेखमा एक वर्षीय बालकसहित थप आठजनामा कोरोना संक्रमणको पुष्टि भएको पछि सो संख्या थपिएको हो ।

यसअघि प्रदेश २ मा ७६ जनामा संक्रमण पुष्टि भएको थियो । प्रदेशका सामाजिक विकास मन्त्रालयका अनुसार सुर्खेतको प्रयोगशालामा गरिएको परीक्षणबाट बिहीबार दैलेखका ८ जनामा कोरोना पुष्टि भएको हो ।

  

दैलेखका ८ जना कोरोना संक्रमित थपिएसंगै कर्णाली प्रदेशमा कोराना संक्रमितको संख्या ४६ पुगेको छ । संक्रमित सबै जिल्ला सदरमुकाम रहेको नारायण नगरपालिकाका हुन् ।

संक्रमित हुनेमा नगरपालिकाको वडानम्बर १ का २६ वर्षका युवक, ३ का १९, ३०, ३६ र ४० वर्षका पुरुष, ४ का एक वर्षका बालक र २० वर्षीय युवती र ७ का १७ वर्षीय किशोर रहेका छन् ।

यसअघि दैलेखको आठबीसकोटमा एकजना, ढुङ्गेश्वर नगरपालिकामा ३ जना र नारायण नगरपालिका र गुराँस गाउँपालिकामा २र२ जनामा कोरोना संक्रमण पुष्टि भइसकेको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

पहिरो

फेसबुक

पहिरो

ट्वीटर

सामाजिक सञ्जाल

More