नेपालमा भारतीय टिभी च्यानल धमाधम बन्द हुने क्रममा

10 July, 2020 01:44 | जन सरोकार | comments | 35700 Views

नेपालको राष्ट्रिय अस्मिता र अखण्डतामाथि धावा बोल्ने भारतीय टिभी च्यानलहरु धमाधम बन्द हुने क्रममा रहेका छन् । नेत्रविक्रम चन्द नेतृत्वको नेकपा माओवादीको आग्रहमा कतिपय केवल टेलिभिजन संचालकले बिहिबारदेखि नै भारतको सरकारी टेलिभिजन दुरदर्शन बाहेकका कतिपय च्यालल बन्द गरिसकेका छन् ।

यसै गरी सरकारले पनि यस विषयमा शुक्रबार वृहद छलफलको आयोजना गरेको छ । प्रेस काउन्सिल नेपालका अध्यक्ष किशोर श्रेष्ठले सामाजिक सञ्जालबाट दिएको जानकारी अनुसार भारतीय टेलिभिजन च्यानलको ज्यादतिविरुद्ध शुक्रबार नेपाल सरकारले टेलिभिजन बितरकहरुको भेला डाक्ने भएको छ ।

  

नेपालमा सँसारभरका टिभी च्यानललाई एकीकृत रूपमा बितरण गर्ने १३ वटा मल्टी सर्भिस अपरेटरमध्ये लाइसेन्स होल्डर ४ वटा, स्याटेलाइटवाला डिस होम, ईन्टरनेट प्रोटोकोलवाला सुबिसु, प्रभूसहितलाई सञ्चार तथा सूचना प्रविधि मन्त्रालयमा बोलाइएको छ ।

सरकारले बिदेशबाट नेपालको राष्ट्रिय हितविरोधी गतिविधिलाई प्रोत्साहन हुन नदिन निर्देशन जारी गर्न लागिएको हो । यसै गरी चीनसँग जोडेर नेपालका बारेमा अतिरञ्जित सामग्री प्रशारण गरेको भन्दै कम्पनीहरुले स्वतःस्फूर्त रुपमा त्यस्ता च्यानलको प्रशारण बन्द गर्ने निर्णय गरेको म्याक्स टिभीका उपाध्यक्ष ध्रुव शर्माले जानकारी दिनुभएको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More