“नेपाली भूमिमाथि भारतको अतिक्रमणको विषय अन्तर्राष्ट्रियकरण”

21 May, 2019 11:01 | राजनीति | comments | 24450 Views

भारतले करीब ६० हजार वर्गकिलोमिटर नेपाली भूमि अतिक्रमण गरी उपनिवेश कायम गरेको विषय अन्तर्राष्ट्रियकरण भएको छ । सुरुमा जेनेभामा नेपालको गैरराजनीतिक क्षेत्रबाट ग्रेटर नेपाल राष्ट्रवादी मोर्चाले यो विषय उठाएको थियो भने हालै चीनको राजधानी बेजिङमा यही कुरा दोहोरिएको छ ।

adsads

यही मे १४ देखि १७ सम्म चीनको राजधानी बेजिङ्गमा सम्पन्न एसियन विसडम तउ प्रमोट पोलिटिकल एडभान्समेन्ट सम्मेलनमा ग्रेटर नेपाल औपचारिक रूपमा सहभागी भएको थियो ।

मोर्चाका अध्यक्ष फणिन्द्र नेपालले त्यहाँ नेपालको करिब ६०००० वर्ग किलोमिटर भूभागमा भारतले उपनिवेश कायम गरेको विषय उठाउनुभएको थियो ।

जनवादी गणतन्त्र चीनका महामहिम राष्ट्रपतिद्वारा उदघाटित कार्यक्रममा ४६ वटा एसियाली मुलुकसहित सयौँ देशका प्रतिनिधिले भाग लिएको सम्मेलनमा नेपालले उठाएको मुद्दाबाट एकातिर सुगौली सन्धि अवैध हो भन्ने कुरा र अर्कोतिर नेपालको ठूलो भूभागमा भारतीय उपनिवेश कायम रहँदै आएको भन्ने विषयको अन्तर्राष्ट्रियकरणसमेत भएको मोर्चाद्वारा जारी विज्ञप्तिमाा जनाइएको छ ।

मोर्चाका अध्यक्ष नेपालद्वारा जारी विज्ञप्तिमा भनिएको छ- “नेपालमा कालापानीमा अर्ध सैनिक बल राखेर भारतले नेपालको ४०० वर्ग किलोमिटरभन्दा बढी जमिन कब्जा गरेको विषयलाई अन्तर्राष्ट्रियकरण गर्नु त परै जाओस् , नेपाल सरकारले द्विपक्षीय रूपमा पनि कुरा उठाउन नसकिरहेको परिप्रेक्ष्यमा बेजिङ्गको एक अन्तर्राष्ट्रियकरण मञ्चमा सुगौली सन्धिको विरोधमा भारतीय उपनिवेश कायम रहेको नेपाली जमिन स्वतन्त्र हुनुपर्छ भन्ने आवाज उठाउनु त्यसै पनि साधारण कुरा होइन ।

यसबाट सुगौली सन्धिमा गुमेको नेपालको करिब ६०००० वर्ग किलोमिटर जमिन भारतले फिर्ता गर्नुपर्ने नैतिक दबाब तीव्र रूपमा बढेर गएको छ , जुन नेपाल र नेपालीका निम्ति रोमाञ्चक कुरा हो ।”

यस अवसरमा मलाई यो ऐतिहासिक अवसर प्रदान गर्ने बेजिङ्गका आयोजकप्रति आभार प्रकट गर्दै राष्ट्रवादी नेपाली जनताका तर्फबाट बेजिङ्गमा पुगेर नेपाली जनताको अन्तरात्माको आवाज मुखरित गर्न पाउँदा मेरो काँधमा थप जिम्मेवारी बढेको अनुभूति भएको र यसले मलाई झन् उत्साहित बनाएकोमा देशविदेशमा रहेका सबै नेपालीसमक्ष जस्तोसुकै प्रतिकूल परिस्थितिमा पनि दृढ भएर अगाडि बढ्ने सङ्कल्प अध्यक्ष नेपालले विज्ञप्तिमार्फत गर्नुभएको छ ।

जेनेभामा उठ्यो ग्रेटर नेपाल र भारतको हस्तक्षेपबिरुद्धको आवाज

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

सुन्दरीजलको माटो बोकेर कोइरालानिवासको भुइँ ढोग्न पुगे कार्यकर्ता

फेसबुक

सुन्दरीजलको माटो बोकेर कोइरालानिवासको भुइँ ढोग्न पुगे कार्यकर्ता

ट्वीटर

सामाजिक सञ्जाल

More
error: Content is protected !!