न्यौपानेको नेतृत्वमा स्याङ्जा सहयोग समाज अन्तर्राष्ट्रिय समन्वय समितिको नयाँ कार्यसमिति

14 October, 2019 20:16 | प्रबास | comments | 24600 Views

स्याङ्जा सहयोग समाज अन्तर्राष्ट्रिय समन्वय समितिले जीवन न्यौपानेको अध्यक्षतामा नयाँ कार्यसमिति चयन गरेको छ । शनिबार स्याङ्जाको भिरकोट नपा–२ बयरघारीमा सम्पन्न तेस्रो विश्व सम्मेलन तथा अधिवेशनले न्यौपानेको अध्यक्षतामा नयाँ कार्यसमिति सर्वसम्मतिबाट निर्वाचित गरेको हो ।

ads ads

‘समृद्ध स्याङ्जाका लागि विश्व अभियान’ भन्ने मूल नाराका साथ सम्पन्न तेस्रो विश्व सम्मेलन तथा अधिवेशनले आगामी दुई वर्षका लागि नयाँ कार्यसमिति चयन गरेको हो । सम्मेलनमा २० देशबाट राष्ट्रिय समन्वय समितिका १०/१० का दरले प्रतिनिधि सहभागी भएका थिए ।

निर्वाचनमण्डलका संयोजक भुपराज बस्यालले दिएको जानकारी अनुसार अध्यक्षमा पाँच जनाको उम्मेदवारी परे पनि अन्ततः यसअघिको कार्यसमितिमा उपाध्यक्ष रहनुभएका न्यौपानेका लागि सहमति जुटेको हो । समाजको वरिष्ठ उपाध्यक्षमा प्रकाश श्रेष्ठ, उपाध्यक्षमा हरिप्रसाद लुइँटेल, महिला उपाध्यक्षमा माया केसी र एक जना पछि थप गरिने बताइएको छ ।

त्यस्तै महासचिवमा हेमन्त रानाभाट, सचिवमा मोहनीलाल खनाल, प्रवक्तामा मुक्ति सुवेदी, कोषाध्यक्षमा खगेन्द्र गैरे, सहकोषाध्यक्षमा डोलराज डुम्रेसहित अन्य सदस्य रहेका छन् । त्यसै गरी समाजको प्रमुख संरक्षकमा राजेशदर्शन अर्याललाई चयन गरेको छ भने सल्लाहकार, क्षेत्रीय संयोजक, स्थानीय संयोजक पनि चयन गरेको ।

समाजका नवनिर्वाचित अध्यक्ष न्यौपानेले स्याङ्जा जिल्लाको बृहत्तर हितका लागि स्थानीय तहहरूसँग सहकार्य गर्दै अगाडि बढ्ने प्रतिबद्धता व्यक्त गर्दै समाजले विगतका दिनहरूमा जिल्लाबाट रोजगारी तथा अध्ययनको सिलसिलामा विदेशी भूमिमा अप्ठ्यारोमा परेका विशेषगरी स्याङ्जा जिल्लावासीलाई आवश्यक सहयोग गर्दै आइरहेको बताउँदै आगामी दिनमा पनि सहयोगका कार्यलाई निरन्तरता दिँदै जाने उल्लेख गर्नुभयो ।

“विदेशी भूमिमा रहेका स्याङ्जालीहरू तथा स्वदेशमै विभिन्न अप्ठ्यारोमा परेकाहरूलाई सहयोग गर्ने उद्देश्यले समाजको स्थापना गरेका हौँ”, नवनिर्वाचित अध्यक्ष न्यौपानेले भन्नुभयो, “हाल यो समाज विश्वका झण्डै २० देशमा सक्रियरुपमा रहेको छ ।”

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More