पटवाल स्वदेश फर्कदै, पारसद्वारा धन्यवाद ज्ञापन : तत्कालको जिम्मेवारी जगत टमाटालाई

13 February, 2020 21:18 | खेल | comments | 19950 Views

नेपाली राष्ट्रिय क्रिकेट टोलीका प्रमुख प्रशिक्षकबाट राजीनामा दिनुभएका उमेश पटवाल शुक्रबार भारत फर्कने हुनुभएको छ । काठमाडौंमा सम्पन्न नेपाल, अमेरिका र ओमान सम्मिलित त्रिदेशीय श्रृखंलाको पूर्वसन्ध्यामा राजीनामा दिनुभएका पटवाल श्रृखंला सम्पन्न भएपछि स्वदेश फिर्ता हुन लाग्नुभएको हो ।

ads ads

नेपाल क्रिकेट संघका महासचिब अशोकनाथ प्याकुरेलले प्रमुख प्रशिक्षक पटवालको राजीनामा पुष्टि गर्नुहुँदै उहाँ शुक्रबार नै भारतको लागि प्रस्थान गर्नुहुने र छिट्टै नै आईसीसीसँग सहकार्य गरेर नयाँ प्रशिक्षकको व्यवस्थापनको प्रकृया अगाडि बढाइने बताउनुभएको छ । क्रिकेट संघले तात्कालका लागि जगत टमाटालाई नै प्रशिक्षक नियुक्त गर्ने तयारी गरेको महासचिब प्याकुरेलले खुलाउनुभयो ।

यसैबीच नेपाली क्रिकेट टोलीका पूर्व कप्तान एवम् अलराउण्डर पारस खड्काले पटवालको प्रशिक्षणमा क्रिकेटरको रुपमा विकसित हुन पाएकोमा धन्यवाद दिंदै भविष्यमा सहकार्यको अपेक्षा समेत गर्नुभएको छ ।

नेपाल क्रिकेट संघ निलम्बनमा हुँदा पटवाललाई अन्तर्राष्ट्रिय क्रिकेट काउन्सिल आईसीसीले मासिक सात हजार अमेरिकी डलरमा नेपालको प्रमुख प्रशिक्षक नियुक्त गरेको थियो । आईसीसीले २०७६ जेठ २० गतेदेखि लागू हुने गरी पटवाललाई एक वर्षका लागि प्रमुख प्रशिक्षकको जिम्मेवारीमा नियुक्त गरेको थियो । उहाँले आईसीसी समक्ष राजीनामा दिएर बोधार्थ राष्ट्रिय खेलकूद परिषद र नेपाल क्रिकेट संघलाई बुझाउनुभएको थियो ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More