पोर्चुगलमा नेपाल भ्रमण वर्ष २०२० को शुभारम्भ

3 January, 2020 11:37 | प्रबास | comments | 51750 Views

पोर्चुगलको राजधानी लिस्बनमा नेपाल भ्रमण वर्ष (२०२० एक विशेष कार्यक्रमबीच शुभारम्भ भएको छ । राजधानी लिस्बनको व्यस्त पर्यटकीयस्थल रोसियो स्क्वायरमा राष्ट्रिय झण्डा, भ्रमण वर्षको प्लेकार्ड र ब्यानर बोकेर भेला भएको नेपालीले राष्ट्रिय भावनाले ओतप्रोत भएका गीतहरु गाउँदै नेपालको कला, संस्कृति, प्राकृतिक सौन्दर्यता र बुद्धको जन्मस्थल लुम्बिनीको बारेमा जानकारी दिँदै भ्रमण वर्ष २०२० को प्रचारप्रसार गरिएको हो ।

नेपाली कलाकारले नेपाली मौलिक बाजा मादल, मुरली, बाँसुरी बजाउँदै राष्ट्रिय गीतहरु गाउँदा कयौँ विदेशीले चाख मारेर कार्यक्रम हेर्दै नेपालका बारेमा जानकारी लिएका थिए । भ्रमण वर्ष प्रारम्भसभामा नेपाली पर्यटनदूत रमेशकुमार गुरुङले नेपाल भ्रमण वर्षको महत्व र उद्देश्यबारे बताउँदै नेपाल भ्रमण गर्न आह्वान गर्नुभएको थियो भने कार्यक्रम संवत् स्वःस्फूर्तरूपमा नेपाली सुमुदायको बाक्लो उपस्थिति रहेको कार्यक्रमका संयोजनकर्ता राजकुमार थापाले बताउनुभयो ।

  

कार्यक्रम अवसरमा जनवरी १ तारिख अन्तरराष्ट्रिय नेपाली टोपी दिवससमेत परेको आ–आफ्नो शिरमा टोपी सजाएर भेला भएका महिला, पुरुष र बालबालिकाको सहभागिताले भ्रमण वर्षको प्रारम्भलाई अझ विशेष बनाएको थियो ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More