नेपालको चारदिने औपचारिक सद्भावना भ्रमणमा आउनुभएका बङ्गलादेशका राष्ट्रपति मोहम्मद अब्दुल हमिदले काठमाडौं उत्रे लगत्तै ऐतिहासिक पौराणिक शहर भक्तपुर अवलोकन गर्नुभएको छ । हेलिकोप्टरबाट भक्तपुर पुग्नुभएका उहाँले भक्तपुर दरबार स्क्वायरको भ्रमण गर्नुभएको हो ।

राष्ट्रपतिको टोलीलाई भक्तपुर नगरपालिकाका प्रमुख सुनिल प्रजापतिले स्वागत गर्नुभएको थियो । राष्ट्रपतिले भक्तपुर दरबार स्क्वायरका मन्दिर तथा कलाकृतिको सूक्ष्म अवलोकन गर्नुभयो । यस्तै राष्ट्रपति हमिदको सम्मानमा आयोजित विशेष सांस्कृतिक प्रस्तुति पनि देखाइएको थियो ।