बहराइनमा नेपालीलाई कोरोना संक्रमण बढ्दै : सचेत रहन दूताबासको आग्रह

29 April, 2020 13:12 | प्रबास | comments | 39600 Views

विश्वव्यापी महामारी फैलाइरहेको कोरोना भाइरस संक्रमणबाट नेपालमा भन्दा नेपाल बाहिर रहेका नेपालीहरु बढी संक्रमित भएका छन् । अहिलेसम्म चार दर्जनभन्दा बढी नेपालीको मृत्यु भैसकेको छ भने संक्रमितको संख्या पनि हजारौं पुगेको छ ।

यसै क्रममा बहराइनमा नेपालीहरुमा स.क्रमण बढ्दै गएपछि त्यहाँस्थित नेपाली दूताबासले सतर्क रहन आवहान गरेको छ । दूताबासका अनुसार पछिल्लो समय थप ७७ जना नेपालीलाई कोरोना भाइरस संक्रमण पुष्टि भएको छ । यससँगै बहराइनमा कोरोना संक्रमित नेपालीहरुको संख्या १२६ पुगेको छ ।

  

दूतावासका अनुसार यो तथ्यांक २८ अप्रिल दिउँसो १२ बजेसम्मको हो । कुनै समस्या परेमा सम्पर्क गर्न भन्दै दूतावासले कर्मचारीहरुको नाम र फोन नम्बर पनि सार्वजनिक गरेको छ ।

हाल बहराइनमा १ लाख २१ हजार २ सय ६० जनामा कोरोना संक्रमण भए/नभएको परीक्षण गरिएको थियो । हालसम्म बहराइनमा १ हजार ५ सय ५६ जना संक्रमण पुष्टि भएको छ । कोरोना संक्रमणकै कारण ८ जनाको मृत्यु भएको छ । उपचारपछि निको भएर घर फर्किनेहरुको संख्या १ हजार २ सय ४६ छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More