बिगव्याङ उपाधिका लागि १२ वर्ष कान्छा जापानीसंग भिडदै मोहन ड्रागन

29 December, 2019 16:46 | खेल , जापान | comments | 49050 Views

नेपाली चर्चित किकबक्सिङ खेलाडी मोहन महर्जन ड्रागनले जापानमा दुई वर्षपछि फेरि अर्को बिगव्याङ उपाधिका लागि आज (आइतबार) भिडदै छन । दुई वर्ष अघि टोकियोमा भएको के वान टाईइटलमा सहभागि भएका मोहनले फेरि आफ्ना जापानी समर्थकका लागि बिगव्याङ टाईटलमा मुख्य आकर्षणका रूपमा मैदानमा भिडन लागेका हुन् ।

६६ किलो तौल समूहबाट खेल्न लागेका ४२ वर्षीय मोहनले टोकियो डोमको कोराकोएन हलमा डिसेम्वर २९ तारिक आइतबार जापानका अर्का चर्चित खेलाडी ३० वर्षीय ज्योजीसंग उपाधिका लागि भिडन लागेका हुन् । आफूभन्दा निकै कान्छा खेलाडीसंग भिडन लागेका उनले धेरै समर्थकको चाहनालाई मध्यनजर गर्दै पुनः भिडन्तमा होमिन लागेको बताएका छन् ।

  

जापानकै प्रतिष्ठित प्रतियोगिता भएकाले बिगव्याङको ३७ औं सस्करणमा मुख्य आकर्षणका रूपमा मोहनले सहभागिता जनाउन लागेको पनि बताएका छन् । मोहन सहभागि खेल प्रतियोगिताको मुख्य आकर्षण खेल भएकाले खेल तालिकाको अन्तिम समयसम्म पर्खनु पर्नेछ । सो अवसरमा सहभागि भई समर्थन र हौसला बढाई दिनका लागि जापानवासी नेपालीहरूमा मोहनले अनुरोध गरेका छन् ।

सो खेलमा सहभागि हुनै नेपाली समर्थकहरू कोराकोयेन हलमा जम्मा हुन थालेका छन। प्रतियोगिताको नेपाल जापान डटकमले आफ्नो फेसबुक पेजबाट प्रत्यक्ष प्रशारण गर्ने छ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More