बिग ब्यास लिगमा सन्दीपको उत्कृष्ट बलिङ : मेलबर्न स्टार्स शीर्ष स्थानमा

4 January, 2020 22:00 | खेल | comments | 37350 Views

नेपाली लेग स्पिनर सन्दीप लामिछानेले अस्ट्रेलियामा जारी बिग ब्यास लिग क्रिकेटमा उत्कृष्ट बलिङ गर्नुभएको छ । बिग ब्यास लिगमा मेलबर्न स्टार्सबाट खेल्दै आउनुभएका उहाँले शनिबार मेलबर्न रेनेगेड्सविरुद्धको खेलमा उत्कृष्ट बलिङ गर्दै तीन विकेट लिनुभएको हो ।

उक्त खेलमा मेलबर्न स्टार्स आठ विकेटले विजयी भएको छ । अघिल्लो खेल चोटका कारण गुमाउनुभएका सन्दीपले चार ओभर बलिङ गर्दै २६ रन खर्चिनुभयो । उहाँले पहिलो ओभरमा बिना कुनै विकेट सात रन दिनुभयो । आफ्नो दोस्रो ओभरमा पनि सन्दीपले कुनै विकेट झार्न सक्नु भएन ।

  

उहाँले सो ओभरमा १२ रन खर्चिनुभयो । तेस्रो ओभर भने उहाँका लागि उपलब्धिपूर्ण रह्यो । उक्त ओभरमा उहाँले दुई विकेट लिँदै चार रन मात्र खर्चिनुभयो । उहाँले सावन मार्स र डेनियल क्रिष्टिनलाई पेभेलियन फर्काउनु भएको थियो ।

आफ्नो अन्तिम ओभरमा सन्दीपले टोम कुपरको विकेट लिँदै तीन रन मात्र खर्चिनुभयो । यस यामको बिग ब्यासमा सन्दीप हालसम्म पाँच खेल खेल्दै छ । सन्दीपको टोली मेलबर्न स्टार्सले आज टस जितेर फिल्डिङ राजेपछि मेलबर्न रेनेगेड्सले निर्धारित २० ओभरमा नौ विकेट गुमाएर १४२ रन बनाएको थियो ।

एक सय ४३ रनको विजयी लक्ष्य मेलबर्न स्टार्सले १८ दशमलव पाँच ओभरमा दुई विकेट गुमाएर पूरा गर्यो । बिग ब्याशमा सन्दीपको टोली मेलबर्न स्टार्स अङ्क तालिकाको शीर्ष स्थानमा छ । मेलबर्नले हालसम्म छ खेलमध्ये पाँचमा जित निकाल्दै १० अङ्क बटुलेको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More