बुधबार दिउँसोसम्म थप एक सय १४ जनामा संक्रमण पुष्टि : संख्या पुग्यो आठ सय ८६

27 May, 2020 20:09 | जल/वातावरण/स्वास्थ्य | comments | 22650 Views

नेपालमा कोरोना भाइरस संक्रमण तीब्ररुपमा बढ्दै गएको छ । बुधबार दिउँसोसम्म १ सय १४ जना संक्रमित थपिएका छन् र संक्रमितहरूमध्ये अधिकांश भारतबाट आएकाहरू छन् । यो अहिलेसम्म एकैपट फेला परेको सबैभन्दा ठूलो संख्या हो ।

स्वास्थ्य मन्त्रालयका प्रवक्ता विकास देवकोटाले दिएको जानकारी अनुसार बुधबार रौतहट, बाग्लुङ, मकवानपुर, झापा, बारा, सप्तरी, दाङ, सुर्खेत, बाँके, सिरहा र रूकुमपूर्वका थप ११४ जनामा कोरोनाभाइरसको संक्रमण पुष्टि भएको हो ।

  

सरकारले पिसिआर प्रविधिबाट परीक्षण बढाएकाले पनि धेरै संक्रमित भेटिएका हुन् । बुधबारसम्म ५८ हजार २७७ जनाको पिसिआर परीक्षण गरिएको स्वास्थ्य मन्त्रालय प्रवक्ता विकास देवकोटाले जानकारी दिनुभयो ।

बुधबार थपिएकासँगै नेपालमा कोरोना संक्रमितको संख्या ८८६ पुगेको छ । तीमध्ये १८३ जना निको भएका छन् भने ४ जनाको मृत्यु भएको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

पहिरो

फेसबुक

पहिरो

ट्वीटर

सामाजिक सञ्जाल

More