बेलायतले इराकबाट लुटिएको चार हजार वर्ष पुरानो मूर्ति फिर्ता गर्ने

29 September, 2020 00:09 | विश्व समाचार | comments | 31350 Views

बेलायतले चार हजार वर्ष पुरानो इराकी एक शिल्पकलालाई फिर्ता गर्ने भएको छ । अनुसन्धानबाट उक्त शिल्पकला लुटिएको प्रमाणित भएपछि बेलायती संग्रहालयले सोमबार कलायुक्त मूर्तिलाई फिर्ता गर्न तयार भएको हो ।

गत वर्ष मेमा अनलाइन बिक्री केन्द्रले बिक्रीको लागि कलाको प्रस्ताव गरेपछि केही प्रमाणसहित उक्त कला इराकबाट लुटिएको दावी गरिएको थियो । यसै आधारमा विशेषज्ञ लन्डन प्रहरी इकाईले संग्रहालयका विज्ञलाई बोलाई अनुसन्धान सुरु गरेका थिए ।

  

अनलाइनमा यसलाई ‘वेस्टर्न एशियाटिक अक्काडियन ट्याब्लेट’ भनेर वर्णन गरेको भएपनि विज्ञहरूले चुन ढुङ्गाको उक्त कला पुरानो सुमेरियाली मन्दिरको भएको र ईसापूर्व २४०० तिर बनाइएको बताएका छन् ।

सङ्ग्रहालयका अनुसार उक्त शिल्पकला १९औं शताब्दीको अन्त्य र २० औं शताब्दीको उत्तरार्धमा मन्दिरबाट लुटिएको थियो र पछि यो खाडी युद्धको पुन चोरी भएको र सन् २००३ को इराक युद्धको क्रममा पनि लुटिएको थियो ।

सङ्ग्रहालयले भनेको छ, “अनुसन्धानले यो महत्वपूर्ण शिल्पकलालाई इराकबाट गैरकानुनी रूपमा बेलायत ल्याइपु¥याएको बेलायती अधिकारीले पत्ता लगाएका छन् । छिट्टै फिर्ता हुन्छ ।”

यस्ता मुर्तिहरू निकै विरलै पाइने प्राचिन कला हुन् र विश्वमा यस प्रकारका करिब ५० मूर्तिहरू अस्थित्वमा रहेको पत्ता लागेको बेलायती अधिकारीले बताएका छन् ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More