भुवन केसीको नेतृत्व पाउला त चलचित्र विकास बोर्डले

3 June, 2020 15:31 | कला/मनोरन्जन , कलिउड | comments | 46500 Views

चार दशकदेखि नेपाली चलचित्र अभिनय, निर्माण र निर्देशनमा सक्रिय अभिनेता, निर्माता तथा निर्देशक भुवन केसीको नाम चलचित्र विकास बोर्डको अध्यक्षका लागि सिफारिश भएको छ ।

गत चुनावमा तत्कालीन नेकपा एमालेबाट समानुपातिक सांसदमा सूचीकृत समेत भएका नायक केसीसंगै निर्देशक दयाराम दाहाल र संस्कृतिकर्मी राजेश थापाको नाम अध्यक्षका लागि सिफारिश भएको छ ।

  

सञ्चार, सूचना तथा प्रविधि मन्त्रालयमा अध्यक्षका लागि १० जनाको आवेदन परेपछि सूचना प्रविधि मन्त्रालयकी सह–सचिव राधिका अर्यालको संयोजकत्वमा तीन सदस्यीय सिफारिस समिति गठन गरिएको थियो । समितिले तीन चलचित्रकर्मीको नाम सिफारिस गरेर पठाएको छ । अब बस्ने मन्त्रिपरिषद्को बैठकले बोर्ड अध्यक्ष चयन गर्नेछ ।

मंसिरको २९ गते चलचित्र विकास बोर्डका तत्कालीन अध्यक्ष केशव भट्टराइको निधन भएपछि बोर्डमा अध्यक्ष पद रिक्त छ । समितिले सिफारिस गरेका तीन जना व्यक्तिहरु नै बोर्ड अध्यक्षका लागि बलियो प्रतिस्पर्धी मानिएका छन् ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More