भैरहवामै समुद्र ! भैरहवामै समुद्र !

  • भैरहवामै समुद्र !
  • भैरहवामै समुद्र !
  • भैरहवामै समुद्र !
  • भैरहवामै समुद्र !
  • भैरहवामै समुद्र !

भैरहवामै समुद्र !

10 September, 2019 09:15 | पत्रपत्रिका | comments | 13650 Views
भैरहवामै समुद्र !
फनपार्कमा निर्माण गरिएको कृत्रिम समुद्र- तस्बिर : सलमान खान

समुद्रको आनन्द लिन भैरहवाबाट मानिसको विदेश भ्रमणमा जाने क्रम बढ्दो छ। ट्राभल्स एजेन्सीहरूको लोभ्याउने विभिन्न भ्रमण प्याकेज छन्।

ads ads

समुद्रमा नुहाउन र त्यसमा छलाङ मार्न नेपालीले लाखौं रुपैयाँ खर्चिदै आएका छन्। मनोरञ्जनको नाममा देशबाट वार्षिक अर्बौं रुपैयाँ बाहिरिँदैछ। भैरहवाको बोधी रेडसन होटल परिसरमा निर्मित रेडसन वाटर फन पार्कमा पर्यटन उद्यमी प्रमोदकुमार यादवले समुद्रको झल्को दिने गरी कृत्रिम समुद्र तयार गरेका छन्। शनिबारबाट सञ्चालनमा आएको फनपार्कमा समुद्रमा नुहाउनेदेखि त्यसको छलाङको आनन्दसम्म लिन सकिन्छ। जसका लागि ‘वेभ पुल’ तयार गरिएको छ।

‘अचेल धेरै नेपाली समुद्री मनोरञ्जनका लागि लाखौं खर्चिएर विदेश गइरहेका छन्’, फनपार्कका अध्यक्ष यादवले भने, ‘स्वदेशी रकम बाह्य मुलुकमा जानबाट रोक्नमा मद्दत पुग्ने विश्वासका साथ विदेशसरह स्वदेशमै सेवा प्रदान गर्न खोजेका हौं।’ सञ्चालन आएको यो एक सय ४० वर्गफिटको ‘वेभ पुल’ नेपालमा पहिलो हो। ‘वेभ पुल’ लाई विशेष किसिमको प्रविधिले तरंगित गराई समुद्रको कृत्रिम छाल बन्ने फनपार्कका इन्जिनियर पेन्दुम लामाले बताए।

फनपार्कमा प्रयोग हुने पानीले मानिसको छालामा असर नगर्ने गरी १० वटा स्यान्ड फिल्टर राखिएको र विश्व स्वास्थ्य संगठनले प्रमाणित गरेका रसायन मात्रै प्रयोग गरिने बताए। उनले भने, ‘पार्कमा प्रयोग हुने पानीको स्वच्छता र सेवाग्राहीको सुरक्षालाई पहिलो प्राथमिकतामा राखेर काम गरेका छौं।’ गर्मीयाममा भैरहवामा प्रचण्ड गर्मी हुन्छ। मानिस गर्मीले अतालिन्छन्। तर यसलाई मध्यनजर गर्दै पार्कमा ‘स्नो फल’ (हिमपात) क्षेत्रसमेत निर्माण गर्न लागिएको अध्यक्ष यादवले बताए। तीन महिनामा पार्क भित्रको एक क्षेत्रमा हिमपातको आभास हुनेसमेत सेवाग्राहीले पाउनेछन्। यो पनि नेपालकै पहिलो हुनेछ।

‘बाहिर प्रचण्ड गर्मी भए पनि निर्माण हुने हिमपात क्षेत्रमा जाँदा हिमालयमा जस्तै हिउँ खस्छ। माइनस २५ डिग्री सेल्यिस तापक्रम हुन्छ। ज्याकेट लगाएर पस्नुपर्छ’, संघीय सांसदसमेत रहेका उनले भने, ‘जसका लागि चाहिने कृत्रिम पहाड बनाइरहेका छौं।’ पार्कमा दुईवटा रेलको समेत सुविधा उपलब्ध गराउने गरी कार्य भइरहेको छ। १५ करोड लगानीमा सञ्चालनमा आएको फनपार्कमा बालबालिकाका लागि अन्य सुविधा पनि छन्।

फनपार्कमा निर्माण गरिएको कृत्रिम समुद्रको छाल।
फनपार्कमा निर्माण गरिएको कृत्रिम समुद्रको छाल।

पार्कमा प्रत्येक व्यक्तिका लागि ५ सय रुपैयाँको टिकट लाग्ने भए पनि छठ पर्वसम्म मध्यनजर गर्दै ३ सय ५० रुपैयाँ कायम गरिएको छ। जेष्ठ नागरिक र विद्यार्थीलाई अधिकतम छुटको व्यवस्था गरिएको छ। साढे चार बिघामा फैलिएको रेडसन वाटर फन पार्क पश्चिम नेपालकै उत्कृष्ट गन्तव्य बनाउने गरी अन्य पूर्वाधार निर्माण गर्दै जाने र करिब ३० करोड खर्च हुने अनुमान गरिएको फनपार्कका प्रबन्ध निर्देशक पञ्चु यादवले बताइन्।

आजको अन्नपूर्ण पोस्टमा खबर छ ।

देखियो समुद्री आँधी ‘फानी’को प्रभाव- नेपालमा दुई दिन हावाहुरीसहित वर्षा

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
भैरहवामै समुद्र !

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More