भोटेकोशीमा निरन्तर सुख्खा पहिरो- बस्ती र हाइड्रोपावरमा क्षति

14 January, 2020 16:12 | जल/वातावरण/स्वास्थ्य | comments | 21900 Views

सिन्धुपाल्चोकको भोटेकोशी गाउँपालिकामा निरन्तर आईरहेको सुख्खा पहिरोले मानव बस्ती र सो ठाँउमा रहेको ३ मेघावाटको भैरवकुण्ड हाइड्रोपावरमा क्षति पुगेको छ । सो गाउँपालिका २ मा रहेको दुधिलोडाँडा खसेर पहिरो आएपछि सो हाइड्रोपावरमा क्षति पुगेको छ ।

पहिरो आएपछि कर्मचारी भागेर ज्यान जोगाएका थिए । पहिरोले हाइड्रो र मानवबस्ती खतरामा परेको छ । हाइड्रोका इन्जिनियर तथा साइट इन्र्चाज पुष्पराज डाँगीका अनुसार हेडर्वक्स, डेसन्डर, क्यानल, स्टाफ क्वाटर, एक स्काभेटर लगायतको भौतिक संरचना पुरेको छ । साथै मेशिन औजारमा क्षति पुगेको छ ।

  

सुख्खा पहिरो निरन्तर झरिरहेकाले बस्ती र हाइड्रोलाई पुन क्षति पुग्ने खतरा रहेको छ । हाइड्रोपावरका प्रमुख कार्यकारी अधिकृत दिनेश पौडेलका अनुसार पहिरोका कारण हाइड्रोका सम्पूर्ण काम बन्द भएको छ । पहिरो सोमबार दिउँसो दुई बजेबाट झरिरहेको छ ।

प्रमुख जिल्ला अधिकारी गोमादेवी चेम्जोङले सुख्खा पहिरोका कारण भैरवकुण्ड हाइड्रोपावरमा क्षति पुगेको र एक किलोमिटर तल रहेको मानव बस्ती खतरामा रहेको जानकारी दिनु भएको छ । उहाँका अनुसार पहिरोबाट थप क्षति हुन नदिन नेपाली सेना, शसस्त्र प्रहरी, नेपाल प्रहरीले सुरक्षा दिइरहेको बताउनुभयो ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More