भ्रष्टाचार अन्त्यको लागि कर्मचारीतन्त्रमा सुधार जरुरी : मुख्यमन्त्री गुरुङ

3 December, 2019 21:14 |गण्डकी प्रदेश , प्रदेश | comments | 4650 Views

    रामजी प्रसाद लम्साल, पोखरा

    गण्डकी प्रदेशका मुख्यमन्त्री पृथ्वीसुब्बा गुरुङले सुशासन र भ्रष्टाचार अन्त्यका लागि कर्मचारीतन्त्रमा सुधारको आवश्यकता औंल्याउनुभएको छ । राजनीतिक व्यवस्था बदलिएपछि अब नेपालमा कर्मचारीतन्त्र र प्रहरी तथा सेनामा समेत व्यापक सुधारको खाँचो रहेको उहाँले बताउनुभयो ।

    adsads

    नेपाल उद्योग वाणिज्य महासंघ र पोखरा उद्योग वाणिज्य संघले नेपाल स्थित अमेरिकी दुतावाससँगको सहकार्यमा मंगलबारबाट पोखरामा सुरु गरेको स्थानीय सरकारका पदाधिकारीका लागि सुशासनसम्बन्धि तीनदिने तालिममा मुख्यमन्त्री गुरुङले सो धारणा राख्नुभएको हो ।

    त्यस क्रममा गुरुङले गएको आर्थिक वर्षमा स्थानीय तह र प्रदेशहरुले ५० प्रतिशत हाराहारी बजेट पनि खर्च गर्न नसकेको भन्दै त्यही खर्चमा समेत पारदर्शिता नहुँदा अख्तियारबाट प्रश्न उठाउँदै ६१ बुँदे सचेत पत्र प्राप्त भएको स्मरण गराउनुभयो । स्थानीय तहमा अनुगमन र आवधिक योजनाको अभाव भएको भनाई उहाँको थियो । स्थानीय तहमा सशक्तिकरण र सो सम्बन्धी तालिमको आबश्यकता रहेको मुख्यमन्त्री गुरुङको भनाई थियो ।

    अमेरिकी दुतावासकी सूचना अधिकारी एवं प्रवक्ता एण्डी डी अर्मेन्टले नेपालका अन्य प्रदेशमा दूतावासले नेपालको निजी क्षेत्रसँग सहकार्य गरी सुशासन सम्बन्धि तालिम आयोजना गरेको र पोखराको तालिम यो पटकलाइ अन्तिम भएको जानकारी दिनुभयो । यो तालिम खासमा दुतावासकोभन्दा पनि निजी महासंघकै तालिम हो भन्दै उहाँले अमेरिकाले यस विषयमा सहकार्य मात्र गरेको स्पष्ट पार्दै स्थानीय तहहरुबाट यससम्बन्धी तालिमको माग र आबश्कता महशुस भएपछि दुतावासले तालिम प्रदान गरेको बताउनुभयो ।

    महासंघ गण्डकी प्रदेशका अध्यक्ष सञ्जिव वहादुर कोइरालाले अमेरिकी दुतावास र उपस्थित सबैप्रति धन्यवाद प्रकट गर्नुभयो भने नेपाल उद्योग वाणिज्य महासंघका महानिर्देशक धरणिधर खतिवडाले राजनीति सफा नभई देशमा सुशासनको कल्पना गर्न नसकिने भन्दै पारदर्शिता र जवाफदेहिता जस्ता विषय पनि सुशासनका लागि उत्तिकै जरुरी पर्ने बताउनुभयो ।

    कार्यक्रममा स्वागत मन्तव्य राख्दै पोखरा उद्योग वाणिज्य संघका अध्यक्ष दामु अधिकारीले स्थानीय निकाय दुई दशक खालि रहँदा पछि स्थानीय तह बनेपछिको अवस्थाको समिक्षा तालिममा हुने विश्वास व्यक्त गर्दै सुशासनले मात्र देशमा समृद्धि आउने बताउनुभयो ।

    गण्डकी प्रदेश अन्तर्गतका स्थानीय तहका २० पदाधिकारीको सहभागिता रहेको छ तालिम उदघाटन कार्यक्रमको संचालन नेपाल उद्योग वाणिज्य कार्यक्रमको संचालन संघका महासचिव अर्जुन पोखरेलले गर्नुभएको थियो ।

    नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

    तपाईंको प्रतिकृया

    Loading...

    ताजा समाचार

    फेसबुक

    ट्वीटर

    सामाजिक सञ्जाल

    More