मध्यरातमा पक्राउ परे विप्लवका उपत्यका इन्चार्ज लामा

21 July, 2019 11:59 |राजनीति | comments | 16200 Views

    शनिबार मध्यरातमा प्रतिबन्धित विप्लव समूहका काठमाडौं उपत्यका व्युरो इन्चार्ज माइला लामालाई काठमाडौंको काँडाघारीबाट प्रहरीले पक्राउ गरेको छ ।

    महानगरीय अपराध महाशाखाका प्रमुख सहकुल थापाले दिएका जानकारी अनुसार लामा गएराति करिब साँढे १२ बजे पक्राउ परेको बताउँदै लामासँगै रेशम तामाङ पनि पक्राउ परेका छन् ।

    adsads
    उनीहरुको साथबाट चारवटा मोबाइल र विप्लव समूहको दस्तावेज बरामद भएको छ ।

    माइला लामा काठमाडौंका नख्खु, अनामनगर, सुकेधारा लगायतका बिभिन्न स्थानमा भएका बम विस्फोटमा संलग्न रहेको प्रहरीको दाबी छ । काठमाडौं सीतापाइलामा बस्दै आएका लामा विप्लव समूहको एक प्रभावशाली नेता मानिन्छन् । २०६४ सालको पहिलो संविधानसभा काठमाडौंबाट चुनाव लडे पनि पराजित भएका थिए ।

    माओवादी जनयुद्धको क्रममा अंगभंग भएका लामाको सुन्ने र देख्ने क्षमता पनि कमजोर बनेको छ । लामा गायक तथाा संगीतकार पनि हुन् । जनयुद्धकालमा उनले सयौं क्रान्तिकारी गीत गाएका छन्, संगीत दिएका छन् र लेखेका पनि छन् ।

    लामा तत्कालीन माओवादीको जनसाँस्कृतिक महासंघको अध्यक्षसमेत थिए । तर, पार्टी बिभाजनपछि मोहन वैद्य हुँदै उनी विप्लव समूहमा लागेका थिए ।

    विप्लव निकट रेड युथफोर्स अध्यक्ष पक्राउ

    नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

    तपाईंको प्रतिकृया

    Loading...

    ताजा समाचार

    फेसबुक

    ट्वीटर

    सामाजिक सञ्जाल

    More