पोखरामा राष्ट्रिय मिडिया कप फुटसल प्रतियोगिता हुने भएको छ । विभिन्न सञ्चारमाध्यममा कार्यरत सञ्चारकर्मीबीच आपसी सम्बन्ध बढाउने उद्देश्यका साथ उक्त प्रतियोगिता आगामी भदौ १० र ११ गते हुने भएको छ ।

स्थानीय गणेशटोलस्थित स्पोर्टस् क्यासलमा सञ्चालन हुने सो प्रतियोगिताको विजेतालाई रु ३५ हजार, उपविजेतालाई रु २० हजार, उत्कृष्ट खेलाडीलाई रु पाँच हजार, उत्कृष्ट गोलरक्षकलाई रु तीन हजार, अनुशासित टिमलाई रु पाँच हजार तथा सर्वाधिक गोलकर्तालाई रु तीन हजार पुरस्कार प्रदान गरिने प्रतियोगिता संयोजक अरुण गिरीले जानकारी दिनुभयो ।

प्रतियोगिताबाट फुटसलको व्यावसायिक प्रवद्र्धनसँगै अन्तर्राष्ट्रियस्तरका खेलाडी उत्पादनमा सहयोग पुग्ने आयोजक संस्थाले जनाएको छ । प्रतियोगितामा विभिन्न सञ्चारमाध्यममा कार्यरत सञ्चारकर्मी सहभागी हुन पाउने छन् । सो अवसरमा चलचित्रका अभिनेत्री र पोखराका पत्रकार महिलाबीच मैत्रीपूर्ण फुटसल प्रतियोगिता हुनेछ । पोखरामा ३५ भन्दाबढी फुटसल स्टेशन सञ्चालनमा छन् ।

प्रथम जेआरएफ प्रभु गोल्डकप फुटसल प्रतियोगिताको तयारी पुरा