मुख्यमन्त्री शाहीप्रतिको समर्थन एमालेको एक पक्षबाट फिर्ता, अर्को पक्षको कायमै

18 March, 2021 00:32 | गण्डकी प्रदेश , प्रदेश | comments | 19650 Views

नेकपा (एमाले) कर्णाली प्रदेश संसदीय दलको बैठकले प्रदेश सरकारलाई दिएको समर्थन फिर्ता लिएको निर्णय गरेको छ । कर्णाली प्रदेश इञ्चार्ज यामलाल कँडेलसहित १० प्रदेशसभा सदस्य सम्मिलित बैठकले मुख्यमन्त्री महेन्द्रबहादुर शाहीलाई दिएको समर्थन फिर्ता लिने निर्णय गरेको हो ।

उक्त बैठकपछि समर्थन फिर्ता लिने निर्णय प्रदेश प्रमुखको कार्यालयमा पठाइएको छ । प्रदेश प्रमुखको कार्यालयका निमित्त सचिव भीमराज थानीद्वारा हस्ताक्षरित विज्ञप्तिअनुसार विसं २०७४ फागुन ३ गते मुख्यमन्त्री पदका लागि गरेको समर्थन संसदीय दलका १० सदस्यको हस्ताक्षर र रोहबरमा यही चैत ५ गतेदेखि लागू हुने गरी फिर्ता लिने निर्णय यस कार्यालयमा पेश भएको व्यहोरा जानकारी गराइएको छ ।

  

प्रदेश सरकारका आर्थिक मामिला तथा योजनामन्त्री प्रकाश ज्वालाले आज नेकपा (एमाले) प्रदेशसभा दलका नाममा गरिएको भनिएको गुटगत बैठकको निर्णयप्रति आफू इतर पक्षको ध्यानाकर्षण भएको बताउनुभएको छ । प्रदेशसभा दलको आधिकारिक निर्णय नभएको ध्यानाकर्षणमार्फत जानकारी गराउँदै योजनामन्त्री ज्वालाले प्रदेश सरकारप्रति नेकपा (एमाले) प्रदेशसभा दलको समर्थन कायमै रहेको अवगत गराउनुभएको छ ।

उहाँले भन्नुभयो, “यस्तो गुटगत बैठक प्रचलित कानून, विधि र प्रक्रियासम्मत नभएको प्रष्ट पार्न चाहन्छौँ, औपचारिक सूचना नदिएर बोलाइएको गुटगत बैठकले गरेका भनिएका निर्णयप्रति हाम्रो असहमति छ ।” ओली र माधव समूहका छुट्टाछुट्टै निर्णय तथा ध्यानाकर्षण सार्वजनिक भएपछि एमाले कर्णालीमा पुनःविवाद शुरु भएको छ ।

कर्णाली प्रदेश सरकार अल्पमतमा, समर्थन फिर्ता लिने एमालेको निर्णय

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More