प्रम ओलीप्रम ओली

  • प्रम ओली
  • प्रम ओली
  • प्रम ओली
  • प्रम ओली
  • प्रम ओली
  • प्रम ओली

‘म बिरामी होइन, २०/२५ वर्ष बाँच्छ भन्छन्’ : प्रम ओली

17 August, 2019 13:20 |पत्रपत्रिका | comments | 11550 Views

    प्रम ओली

    प्रधानमन्त्री केपी शर्मा ओली स्वास्थ्यमा सुधार आएपछि शुक्रबार बिहानैदेखि भेटघाट र महत्त्वपूर्ण काममा सक्रिय भएका छन् । उनले बिहान बालुवाटारमा झापा क्षेत्र नम्बर ५ का कार्यकर्तासँग भेटघाट गर्दै आफ्नो स्वास्थ्यबारे जानकारी गराए ।

    adsads

    कार्यकर्तालाई ओलीले सोधेका थिए, ‘म सिकिस्तै भएँ कि भन्ने लागेर भेट्न आउनुभएको हो कि क्या हो ?’ ओलीले आफू स्वस्थ रहेको तर बाहिर बिरामी भन्ने प्रचार भएको बताएको प्रेस सल्लाहकार कुन्दन अर्यालले जानकारी दिए । प्रधानमन्त्रीले भने, ‘हिजो मलाई एकछिन ९९ देखि १०० डिग्री ज्वरो आएको थियो । एउटा सिटामोल खाइदिएपछि सबै निको भयो । बाहिर म सिकिस्त भएजस्तै अफवाह फैलाइयो ।’

    उनले सिंगापुरमा भएको उपचारको प्रसंग झिक्दै सबै ठीक रहेको बताए । ‘गएको हप्ता सिंगापुरमा आँखा, कान, घाँटी र बूढीऔंलादेखि कान्छीऔंलाका नङसम्म परीक्षण गरेर आएको छु । डाक्टरले सबै अंग ठीक छ भनेका छन्,’ उनले भने, ‘अब २०/२५ वर्ष केही हुँदैन भन्छन् । त्यसकारण म बिरामी होइन ।’ बिहान कार्यकर्ताहरूसँग भेटेपछि ओली पार्टीको सचिवालय बैठकमा सहभागी भएका थिए ।

    ओली गत सोमबार सिंगापुरबाट फर्केका हुन् । त्यसयता नियमित भेटघाटमा रहेका उनलाई बिहीबार अकस्मात् ज्वरो आएपछि पार्टीको सचिवालय बैठक सारिएको थियो । पार्टीको बैठकमै सहभागी हुन नसक्ने भएपछि प्रधानमन्त्रीको स्वास्थ्य निकै गडबड भएको हो कि भन्ने आशंका बढेको थियो ।

    १२ वर्षअघि मृगौला प्रत्यारोपण गरेका ओलीको स्वास्थ्यमा समस्या रहेको भन्दै चिकित्सकहरूले विदेश नै जान सुझाव दिएपछि १० दिन सिंगापुर बसेर फर्केका थिए । ओलीले आफ्नो स्वास्थ्यबारे आफैं बोले पनि उनका निजी चिकित्सकहरूले अवस्थाबारे केही बोलेका छैनन् । उनको हेल्थ रिपोर्ट औपचारिक रूपमा सार्वजनिक भएको छैन ।

    आजको कान्तिपुर दैनिकमा खबर छ ।

    आफ्नो स्वास्थ्यस्थितिप्रति प्रधानमन्त्री ओलीको टिप्पणी- ‘म १५ वर्ष अघि बिरामी थिएँ’

     

    नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
    प्रम ओली

    तपाईंको प्रतिकृया

    Loading...

    ताजा समाचार

    फेसबुक

    ट्वीटर

    सामाजिक सञ्जाल

    More
    error: Content is protected !!