रक्तसंचारले दियो ‘ओ पेजेटिभ’को साटो ‘बी पोजेटिभ’ रगत- चिकित्सकले हेर्दै नहेरी चढाएपछि बिरामीको मृत्यु

7 August, 2020 18:21 | जल/वातावरण/स्वास्थ्य | comments | 31050 Views

कुनै एक समूहको रगत भएकालाई अर्को समूहको रगत चढाउनु भनेको बिरामीको ज्यान लिनु हो । रगत चढाउँदै निकै सावधानी अपनाउनुपर्नेमा जनकपुर चिकिसकले लेखेर दिएकोभन्दा फरक समूहको रगत रक्त संचार केन्द्रले दिएपछि सोही रगत चढाउँदा एक सुत्केरीको मृत्यु भएको छ ।

समाचार अनुसार जनकपुरधाम उपमहानगरपालिका ६ स्थित रामजानकी अस्पतालमा प्रसुति गराउन आएकी महिलाको शल्यक्रियामार्फत बिहीबार राति ९ बजे छोरी जन्माएपछि उनलाई रगत अभाव भएका थियो ।

  

रगतको स्याम्पल दिएर अस्पतालका चिकित्सकले रगत ल्याउन रेडक्रसको रक्तसंचार केन्द्रमा पठाएका थिए ।  तर, रक्तसंचार केन्द्रले ओ पोजेटिभको सट्टा बी पोजेटिभ रगत दिएर पठाएको र चिकित्सकले चेक नगरी सोही रगत चढाउँदा महोत्तरी गौशाला नगरपालिकाकी २२ वर्षकी गंगादेवी महतोको शुक्रबार विहान मृत्यु भएको हो ।

धनुषाका प्रमुख जिल्ला अधिकारी प्रेमप्रसाद भट्टराईले घटनाबारे बुझेलगत्तै दुई जना चिकित्सकलाई पक्राउ गरी दुबैलाई अहिले जिल्ला प्रहरी कार्यालयमा राखिएको जानकारी दिंदै यसबारे गम्भीर छानबिन हुने र दोषी देखिनेलाई कारवाही हुने बताउनुभयो ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More