रसुवामा र्याली तथा भूमिसभा समपन्न

13 November, 2014 15:18 | जन सरोकार , मध्यमाञ्चल | comments | 39900 Views

कालिकास्थान , रसुवा- जिल्ला भूमिअधिकार मञ्च रसुवाको आयोजनामा राष्ट्रिय आन्दोलन अनुरुप संबिधानमा आवास, भूमिहिन तथा साना किसानको अधिकार, खाद्य अधिकार स्पष्ट लेख्नका लागि खबरदारी गरेका छन् । भूमि अधिकार मञ्चको आब्हानमा आज देशभर प्रर्दशन गर्दै हदबन्दीभन्दा बढी जग्गाको क्षतिपूर्ति दिने गरी संविधान सभा अन्तर्गतका समितिहरूमा भएको भनिएको सहमतिको विरोध जनाउने कार्यक्रम अन्तर्गत रसुवामा पनि कार्यक्रम भएको हो ।

नयाँ संबिधानमा भूमिमा न्यायोचित हदबन्दी लगाई त्यसमाथिको जग्गा राज्यले सुकुम्बासी, भूमिहिन र साना किसानहरूलाई बितरण गर्न माग गर्दै कालिकास्थानमा भूमि याली सम्पन्न भयो । कार्यक्रममा जिल्ला मञ्चका सचिव तथा ईन्सेकका प्रतिनिधी हेमनाथ खतिवडाले आगामी आन्दोलन बारे आफ्नो धारणा राखेका थिए । केन्द्रीय आन्दोलन अन्तर्गत हदबन्दी माथिको जग्गा क्षतिपुर्ती नदिने ब्यवस्थाको लागि आवाज उठाउने, ब्यवस्थापिका संसदमाा पेश भएको केही नेपाल कानूनलाई संशोधन तथा खारेज गर्ने बिधेयकमा गुठी जग्गा रैतानी गर्ने ब्यवस्था खारेजी प्रस्ताव भएकोले सो नगर्न र भूमिसम्बन्धी ऐन २०२१ को छैठौं संशोधन विधेयकमा छुटेका जोताहा किसानलाईमोहियानी हक दिने ब्यवस्था गर्न सभासदसम्म सन्देश पुर्याउन, सुकुम्बासी समस्या समाधान आयोगको कार्यादेश समस्या छिमोल्ने खालको बनाउन दवाव दिने उद्देश्यले भूमि र्याली तथा कोण सभा आयोजना भएको जिल्ला भूमिअधिकार मञ्चले जनाएको छ । र्यालीमा रसुवाका बिभिन्न गाउँबाट कुटो कोदालो जस्ता कृषि औजार , धान, कोदोका बाला सागपात, मुलालगायत तरकारी ३ सय भन्दा बढी किसानको सहभागिता रहेको थियो ।

ryali

  

 

किसानहरुले राज्यले बिगतमा किसानहरूको ‘भूमि अधिकार’ माथि खेलवाड गरेका कारण ‘बिर्ता उन्मुलन भएको ५५ वर्ष भइसक्दा पनि किसानहरूले अधिकार नपाउनु मालपोत कर्मचारीहरूले किसानहरूलाई धोका र बिर्तावालाहरूलाई साथ दिएको पाइएकाले त्यस्ता कर्मचारीहरूलाई पनि कार्वाही गर्नुपर्ने बताउँदै अब संबिधान निर्माण प्रक्रियामा आफुहरुको मागको न्यायोचित सम्बोधन हुनपर्ने बताए ।सुकुम्बासी र भूमिहिनलाई जग्गा र घर , संबिधानमा भूमि सुधार ग्यारेन्टी गर ,नेता, सभासद होसियार, क्षतीपुर्ति देउला खबरदार , कति सहनु चिन्ता डर छुटेको मोही दर्ता गर , सुकुम्बासी आयोगको छैन भर , कार्यदेश पहिले संशोधन गर , भूमिअधिकारबाट बञ्चितहरू एक होऔं जस्ता नाराहरू लगाउँदै कालिकास्थान –घुम्ति बजार परिक्रमा गरी पुनः भूमिघरमा फर्केर कोणसभामा परिणत भएको थियो ।

सभामा जिल्ला मञ्च अध्यक्ष चित्रकुमारी न्यौपाने , संस्थापक अध्यक्ष भवानीप्रसाद न्यौपाने, नेकपा एमालेका जिल्ला कमिटी सदस्य चुडामणि पौडेल, स्थानीय कालिका महिला सहकारी संस्थाका अध्यक्ष सीता अधिकारी, महिला अधिकार मञ्चका मिठू तामाङले कार्यक्रमा सम्बोधन गर्दै कार्यक्रममा भूमिआन्दोलनमा आफुहरूको प्रतिबद्धता रहेको बताए । सभामा पुरुषोत्ता पौडेल रसुवाले एक गजल बाचन गरेका थिए । सहभागि किसानहरुले पटक पटक भूमिसुधार गर्ने बाचा खाए पनि कुनै सरकारले पनि आफ्ना जयज मागहरुको सम्बोधन नगरेको बताए । रसुवामा हाकु गाविसका ३ सय ३६ परिवार गुठी समस्यामा छन् भने धैबुङ्ग, लहरेपौवा तथा भोर्ले गाविसको ७ सय १८ घर परिवारको बिर्ता समस्याका कारण आफुले जोत्दै आएको जमिनको पुर्जा माग्दै आन्दोलन गरिरहेका छन् । जिल्लाका करिव ३ सय परिवार भूमिहिन , सुकुम्बासी तथा अव्यवस्थित बसोवासीहरु रहेको मञ्चको अनुमानीत तथ्यांक छ । वर्षौदेखिको मंसिर ४ गते हुने राष्ट्रिय आन्दोलन तयारी बारे छलफल समेत भएको थियो ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More