नोट नोट

  • नोट
  • नोट
  • नोट
  • नोट
  • नोट
  • नोट

रामपुर जापान सम्पर्क मञ्चद्वारा मिर्गाैला पीडित कुमालको उपचारको लागि सहयोग

24 June, 2019 11:30 | जापान | comments | 15300 Views

नोट

रामपुर नगरपालिका–८ बस्ने मिर्गाैला पीडित भीमबहादुर कुमालको उपचारमा प्रवासी नेपालीबाट आर्थिक सहयोग जुटेको छ । रामपुर जापान सम्पर्क मञ्चले ३१ वर्षीय कुमालको उपचारका लागि रु ८८ हजार ८८८ रकम सहयोग गरेको हो ।

adsads

यसैगरी कुमालको उपचारमा सहयोगस्वरुप रामपुर नगरपालिकाले रु १२ हजार २२३, रामपुर ८ का समाजसेवी नरनारायण अर्याल र रामपुर ५ का निराजन रेग्मीले पनि नगद रु पाँच-पाँच हजार सहयोग प्रदान गर्नुभएको छ । वडा नं ८ का जनप्रतिनिधि तथा कर्मचारीबाट रु १५ हजार नगद सहयोग गर्ने घोषणा गरिएको छ ।

कुमाललाई सो रकम नगर प्रमुख रमणबहादुर थापाले हस्तान्तरण गर्दै सामान्य रोगको पनि ख्याल नगर्दा ठूलो रोगले आक्रमण गरेर सताउने हुँदा समय समयमा स्वास्थ्य संस्थामा गएर स्वास्थ्य परीक्षण गराएर निरोगी रहन सकिने बताउनुभयो ।रामपुर जापान सम्पर्क मञ्चले सङ्कलन गरेको सो रकम प्रमुख प्रशासकीय अधिकृत बाबुराम अर्यालमार्फत पीडितलाई सहयोग गरिएको हो ।

आफूलाई उपचारमा सहयोग गर्नुहुने दातालाई धन्यवाद दिँदै जीवन रक्षाका लागि थप सहयोगको कुमालले याचना गर्नुभएको छ । सात वर्षसम्म वैदेशिक रोजगारीमा कार्यरत ३१ वर्षीय कुमाल दुवै मिर्गाैला ले काम गर्न छाडेपछि सात महिना अगाडि स्वदेश फर्कनुभएको थियो ।

उहाँले वैदेशिक रोजगारीको क्रममा सवारी चालकको काम गर्नुहुन्थ्यो । कुमालका बुबा, आमा, श्रीमती, दुई छोरा छन् । सामान्य परिवारका कुमाल आफू नै बिरामी परेपछि परिवारको जीवन गुजारा चलाउन समस्या परेको छ ।

हङकङका नेपालीबाट मिर्गाैलापीडित बालिकाको उपचारका लागि दुई लाख सहयोग

 

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
नोट

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More
error: Content is protected !!