ललितानिवास प्रकरण : नेकपामा बदनामीको चिन्ता ललितानिवास प्रकरण : नेकपामा बदनामीको चिन्ता

  • ललितानिवास प्रकरण : नेकपामा बदनामीको चिन्ता
  • ललितानिवास प्रकरण : नेकपामा बदनामीको चिन्ता
  • ललितानिवास प्रकरण : नेकपामा बदनामीको चिन्ता
  • ललितानिवास प्रकरण : नेकपामा बदनामीको चिन्ता
  • ललितानिवास प्रकरण : नेकपामा बदनामीको चिन्ता
  • ललितानिवास प्रकरण : नेकपामा बदनामीको चिन्ता

ललितानिवास प्रकरण : नेकपामा बदनामीको चिन्ता

30 April, 2019 12:30 | पत्रपत्रिका | comments | 11250 Views

ललितानिवास प्रकरण : नेकपामा बदनामीको चिन्ता

प्रधानमन्त्री केपी शर्मा ओलीले नीति तथा कार्यक्रम तथा बजेटको विषयमा छलफल गर्न सोमबार बोलाएको सचिवालयको अनौपचारिक बैठकमा नेकपाका नेताहरूले ललितानिवास जग्गा प्रकरणमा पार्टीको बदनाम भएको भन्दै चिन्ता व्यक्त गरेका छन्। बालुवाटारस्थित प्रधानमन्त्री निवासमा बसेको बैठकमा नेकपाका सचिवालय सदस्यहरूले सरकारले ल्याउन लागेको बजेटसँगै ललितनिवासको जग्गा प्रकरणबारे पनि आआफ्ना धारणा राखेका थिए।

adsads

बैठकमा सहभागी सदस्यहरूले महासचिव नै सो प्रकरणमा मुछिएपछि पार्टीकै बदनाम भएको भन्दै चिन्ता व्यक्त गरेका हुन्।

 

‘कसकसको पालामा कुन आधारमा कसले के विषय उठान गरे र सरकारी कर्मचारीलाई समेत प्रभावमा पारेर केके निर्णय भएका थिए, त्यसबारे पार्टीकै तर्फबाट मिहीन ढंगले केलाउनुपर्छ। सरकारले गरेको राम्रो काम हुँदाहुँदै पनि पार्टी कसरी बदनाम भयो ? यो विषयमा पनि पार्टीभित्र छलफल चल्नुपर्छ।’–माधवकुमार नेपाल

सुरुमा पार्टीका वरिष्ठ नेता माधवकुमार नेपालले ललितानिवासको जग्गा फिर्ता गर्ने सरकारको कदम स्वागतयोग्य भएको उल्लेख गर्दै त्यसमा कसकसबाट त्रुटि भएको हो, त्यसलाई मिहीन ढंगले केलाउनुपर्नेमा जोड दिए। ‘कसकसका पालामा कुन आधारमा कसले के विषय उठान गरे र सरकारी कर्मचारीलाई समेत प्रभावमा पारेर केके निर्णय भएका थिए, त्यसबारे पार्टीकै तर्फबाट मिहीन ढंगले केलाउनुपर्छ,’ नेपालको भनाइ उद्धृत गर्दै स्रोतले भन्यो, ‘सरकारले राम्रो काम गरेको हुँदाहुँदै पार्टी कसरी बदनाम भयो, त्यसबारे पनि पार्टीभित्र छलफल चल्नुपर्छ।’ उनले मुख्य सचिवलाई त्यस समयमा भएका मन्त्रिपरिषद् बैठकका सबै निर्णय हेर्न लगाउनुपर्ने र त्यसमा भएका त्रुटि केलाउनुपर्ने बताएका थिए।

 

सरकारी जग्गा फिर्ता गर्ने सरकारको निर्णय राम्रो हो तर महासचिवकै कारण पार्टी बदनाम हुनु भने राम्रो होइन। काम गरेकोभन्दा बढी पार्टीको बदनाम हुन थालेको विषयलाई ध्यान दिएर त्यसलाई बेलैमा रोक्नुपर्छ। –वामदेव गौतम

अर्का नेता वामदेव गौतमले पनि ललितानिवास प्रकरणमा महासचिवलाई जोडेर पार्टीको बदनाम गर्न खोजिएको उल्लेख गर्दै सरकारले जग्गा फिर्ता गर्ने कार्य सुरु गरेर राम्रो गरेको प्रतिक्रिया दिए। तर महासचिवको पनि जग्गा रहेको विषयले व्यक्तिलाई भन्दा पार्टीलाई ‘हिट’ गर्न थालिनु राम्रो पक्ष नभएको उनको धारणा थियो। ‘जग्गा फिर्ता गर्ने सरकारको निर्णय राम्रो हो तर महासचिवकै कारण पार्टी बदनाम हुनु राम्रो होइन,’ गौतमको भनाइ उद्धृत गर्दै स्रोतले भन्यो, ‘काम गरेको भन्दा बढी पार्टीको बदनाम हुन थालेको विषयलाई ध्यान दिएर त्यसलाई बेलैमा रोक्नुपर्छ।’

 

सरकारका कामलाई ओझेलमा पार्नेगरी महासचिवको कुरा जसरी उठाइँदैछ, त्यो राम्रो पक्ष होइन। यसलाई हामी सबैले मनन गर्ने बेला भएको छ।–ईश्वर पोखरेल

बैठकमा सहभागी झलनाथ खनाल र नारायणकाजी श्रेष्ठले पनि सरकारको कामको चर्चा हुनुपर्नेमा ललितानिवास प्रकरणले पार्टीको बदनाम गराउन खोजेकाले त्यसतर्फ सचेत हुनुपर्ने धारणा राखेका थिए। उनीहरूले त्यसको सत्यतथ्य जानकारी गराइनुपर्ने धारणा राखेका थिए। त्यस्तै उपप्रधानमन्त्री एवं नेकपा सचिवालय सदस्य ईश्वर पोखरेलले पनि महासचिवमाथि नियोजित रूपमा प्रहार हुन थालेको र त्यसले पार्टीलाई समेत विवादमा तान्न खोजेकाले सबै भएर त्यसको प्रतिवाद गर्नुपर्ने धारणा राखेको स्रोतले जनाएको छ।

‘सरकारका कामलाई ओझेलमा पार्नेगरी महासचिवको कुरा जसरी उठाइँदै छ, त्यो राम्रो पक्ष होइन र यसलाई हामी सबैले मनन गर्ने बेला भएको छ,’ पोखरेलले भने। सबैको धारणा सुनेपछि प्रधानमन्त्री ओलीले यो विषयमा कतिपय स्थानमा आफूले पनि प्रस्ट पार्ने कोसिस गरेको, सञ्चारमन्त्री र भूमिसुधारमन्त्रीले पनि प्रस्ट पार्न खोजेको बताएका थिए। बैठकमा वैशाख २० गते सरकारका तर्फबाट ल्याउने नीति तथा कार्यक्रमबारे पनि छलफल भएको थियो। नेताहरुले चुनावी घोषणाअनुसार नीति तथा कार्यक्रम ल्याउन प्रधानमन्त्री ओलीलाई सुझाव दिएका छन्।

आजको नागरिकमा खबर छ ।

सम्बन्धित समाचार –

ललितानिवास प्रकरण : भूमाफिया र मालपोत कर्मचारी फरार

ललितानिवास प्रकरण : महासचिव ठगिनुभयो ; सञ्चारमन्त्री

ललितानिवास जग्गा हिनामिना : ठूलाबडाकै संलग्नता

सरकारी सम्पत्ति ललितानिवास हडप्नेविरुद्ध छानबिन

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
ललितानिवास प्रकरण : नेकपामा बदनामीको चिन्ता

तपाईंको प्रतिकृया

Loading...

ताजा समाचार

सेतक चिनी

फेसबुक

सेतक चिनी

ट्वीटर

सामाजिक सञ्जाल

More