मंसिर १४ गते हुने कास्की क्षेत्र नं. २ को निर्वाचनमा सत्तारुढ नेकपा उम्मेदवार विद्या भट्टराईलाई पोखराबासीले सांसद जिताउने मात्र हैन मन्त्री नै बनाउनुपर्ने माग गरेका छन् ।

शनिबार चुनाव प्रचारका क्रममा पोखरा महानगरपालिका वडा नं. ११ मा पुग्दा वडाबासीले “विद्या भट्टराईलाई सांसद बनाउने मात्र हैन मन्त्री बनाउनुपर्ने” माग गरेका हुन् ।

स्थानीयबासीले सो आग्रह गरेपछि चुनाव प्रचारमा संगै रहनु भएका पूर्व स्वास्थ्यमन्त्री तथा नेकपा केन्द्रीय सदस्य एवं गण्डकी प्रदेश सहइञ्चार्ज खगराज अधिकारीले कास्की क्षेत्र नं. २ को उपनिर्वाचनमा विजयी बनाएर विद्या भट्टराईलाई मन्त्री बनाउन मन्त्री बनाउन प्रयत्नशील रहने बताउनुभयो ।

उहाँले यो देशमा मन्त्री बनाउन सक्षम नेतृ विद्या भएको बताउँदै त्यसका लागि जनताको न्यानो साथ चाहिएको पनि बताउनुभयो । उहाँले अरु पार्टीका जस्तो ‘पार्टी मन्त्री’ मात्रै आफ्नो पार्टीमा नभएको र एक सफल प्रतिभाशाली मन्त्री बन्ने क्षमता विद्या भट्टराईमा रहेको दावी गर्नुभयो ।

त्यस क्रममा नेता अधिकारीले राष्ट्रियताको मुद्दा उठाउने र राष्ट्रियताको जगेर्ना गर्ने उदघोष गर्ने पार्टी नेकपा भएको र यो सरकारले अतिक्रमित सबै भूमि फिर्ता ल्याइछाड्ने पनि बताउनुभयो ।

सो कार्यक्रममा उम्मेदवार भट्टराईले आफू कुनै राजनीतिक पूर्वाग्रहमा नलागी सबै जनताको साझा प्रतिनिधि भएर विकासको अभियानमा सामेल हुन आएको भन्दै महिला, पिछडिएका श्रमिक सबैलार्ए सूर्य चिन्हमा गोबद्ध हुन आव्हान गर्नुभयो ।

आफू बोल्ने मात्र नभै कामै गरेर देखाउने वृहत योजनाका साथ जनताको सल्लाहमा अघि बढ्ने प्रतिबद्धता व्यक्त गर्नुभयो ।