पर्यटनमन्त्रीद्वारा सुकिलुम्बा विमानस्थलको अनुगमन पर्यटनमन्त्रीद्वारा सुकिलुम्बा विमानस्थलको अनुगमन

  • पर्यटनमन्त्रीद्वारा सुकिलुम्बा विमानस्थलको अनुगमन
  • पर्यटनमन्त्रीद्वारा सुकिलुम्बा विमानस्थलको अनुगमन
  • पर्यटनमन्त्रीद्वारा सुकिलुम्बा विमानस्थलको अनुगमन
  • पर्यटनमन्त्रीद्वारा सुकिलुम्बा विमानस्थलको अनुगमन
  • पर्यटनमन्त्रीद्वारा सुकिलुम्बा विमानस्थलको अनुगमन

विमानस्थल सम्पन्न गर्न ढिलाइ भएको भन्ने स्थानीयको गुनासो बढेपछि पर्यटनमन्त्रीद्वारा सुकिलुम्बा विमानस्थलको अनुगमन

22 August, 2019 10:15 | कर्पोरेट/पर्यटन , राजनीति | comments | 53700 Views

पर्यटनमन्त्रीद्वारा सुकिलुम्बा विमानस्थलको अनुगमन

इलाममा निर्माणाधीन विमानस्थल सम्पन्न गर्न ढिलाइ भएको भन्ने स्थानीयको गुनासो बढेपछि संस्कृति, पर्यटन तथा नागरिक उड्डयनमन्त्री योगेश भट्टराईले यसको अनुगमन गर्नुभएको छ । गृहजिल्ला ताप्लेजुङ जानेक्रममा उहाँले बुधबार विमानस्थलको अनुगमन गर्नुभएको हो ।

उहाँले अनुगमनपछि सञ्चारकर्मीसँग कुराकानी गर्दै यहाँको विमानस्थल आवश्यकता भएर नै शुरु भएकाले सम्पन्न हुने बताउनुभयो । पहाडी जिल्लामा विमानस्थल आवश्यकता महसुस भएर नै यहाँ काम थालिएको उहाँको भनाइ छ । पार्किङ र धावनमार्गको काम भइरहेको भन्दै उहाँले स्थानीयलाई निराश नबन्न आग्रहसमेत गर्नुभयो । पन्ध्र महीनाको ठेक्का शुरु भइसकेको बताउँदै उहाँले काम शुरु भएको एक महीना बितिसकेको बताउनुभयो । अबको १४ महीनामा यसको हेर्न लायकको प्रगति हुने भन्दै उहाँले त्यसपछि थप रकम विनियोजन गरेर भए पनि यसलाई सम्पन्न गर्न आफू लागिपर्ने बताउनुभयो ।

  

पर्यटन प्रवद्र्धनमा समेत मद्दत पुर्याउने भएकाले सरकारले यसलाई प्राथमिकतामा राखेको उहाँको भनाइ छ । नागरिक उड्डयन प्रधिकरणका इञ्जिनियर तथा आयोजना प्रमुख मनोज भट्टराईले आगामी असोजसम्ममा दोस्रो परीक्षण उडान गर्ने लक्ष्य रहेको बताउनुभयो । इलाम नगरपालिका– ९ को गोलाखर्क भञ्ज्याङ नजिकै निर्माणाधीन सुकिलुम्बा विमानस्थलको २०७५ सालमा पहिलोपटक परीक्षण उडान भइसकेको छ ।

यसैबीच पर्यटनमन्त्री भट्टराईले मुलुुकको पर्यटन विकासका लागि मन्त्रालयले विभिन्न कार्यक्रम अगाडि सारेर काम गरिरहेको बताउनुभएको छ । उहाँले पर्यटन वर्ष २०२० मा २० लाख पर्यटक भित्र्याउने सरकारको लक्ष्यअनुरुप त्यसलाई पूरा गर्न मन्त्रालयले गर्नुपर्ने आवश्यक काम भइरहेको जानकारी गराउनुभयो ।

इलामको सूर्योदय नगरपालिकामा जनप्रतिनिधिसँगको सङ्क्षिप्त भेटमा मन्त्री भट्टराई चियाको राजधानीका रुपमा परिचित इलाममा छिमेकी भारतबाट चिया खानकै लागि पनि पर्यटक आउने वातावरण बनाउनुपर्ने बताउनुभयो । “सूर्योदयबाट भारत टाढा छैन । कम्तीमा भारतबाट एक कपमात्र चिया पिउन पर्यटक आउने वातावरण बनाउनुपर्यो”, उहाँले भन्नुभयो ।

फेवातालको संरक्षण, सम्बद्र्धन तथा विकासका निम्ति जस्तोसुकै सहयोग गर्न तयार छु : पर्यटनमन्त्री

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
पर्यटनमन्त्रीद्वारा सुकिलुम्बा विमानस्थलको अनुगमन

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More