शान्ति समाजद्वारा पाँच पुरस्कार स्थापना

14 February, 2020 17:12 | राजनीति | comments | 11250 Views

मानव अधिकार तथा शान्ति समाजले स्व राधादेवी दाहाल, स्व श्रीप्रसाद दाहाल, स्व नारायण दाहाल, स्व जोगमाया बराल र स्व भूमिप्रसाद बराल स्रष्टा सौगात गरी पाँच पुरस्कार स्थापना गरेको छ ।

योसँगै शान्ति समाजले स्थापना गरेको पुरस्कार सङ्ख्या आठ पुगेको छ ।

ads ads
स्रष्टा सौगात पुरस्कारअन्तर्गत प्रत्येक वर्ष साहित्यका विभिन्न विधामा योगदान गरेका पाँच जना स्रष्टालाई जनही रु १५ हजार नगद र सम्मानपत्रसहित पुरस्कृत गरिनेछ ।

पुरस्कार स्थापनार्थ नारायण दाहालका पनाति, श्रीप्रसाद दाहालका नाति र राधादेवी दाहालका पति विराटनगर निवासी प्रसिद्ध समाजसेवी बद्रीप्रसाद पहाडीले अक्षयकोष खडा गर्न रु चार लाख र भूमिप्रसाद बराल र जोगमाया बरालका छोरा शान्ति समाजका केन्द्रीय कोषाध्यक्ष रामकृष्ण बराल र अच्युत बरालले रु तीन लाख प्रदान गर्नुभएको सभापति उत्तम पुडासैनीले राससलाई जानकारी दिनुभयो ।

पुरस्कृत व्यक्तित्व छनोटका लागि शान्ति समाज केन्द्रीय कार्य समितिका सभापति पुडासैनीको संयोजकत्वमा वरिष्ठ उपसभापति गोविन्द खनाल, उपसभापतिद्वय विष्णुप्रसाद चापागाईं, रेनुका पौडेल, महासचिव सुशील बस्नेत, अनुशासन समितिका संयोजक डिकप्रसाद घिमिरे र कोषाध्यक्ष रामकृष्ण बराल सम्मिलित छनोट समिति गठन गरिएको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More