संविधानको भावनाबमोजिम नै प्रदेश प्रहरी : मुख्यमन्त्री राउत

12 October, 2018 10:35 | प्रदेश , प्रदेश २ | comments | 20400 Views

प्रदेश नं. २ का मुख्यमन्त्री लालबाबु राउतले संविधानको भावनाबमोजिम नै प्रदेश प्रहरी गठन गर्न लागेको बताउनुभएको छ ।

त्रिसाठीऔँ प्रहरी दिवसका अवसरमा प्रदेश प्रहरी कार्यालय जनकपुरधामले आयोजना गरेको कार्यक्रममा उहाँले प्रदेश प्रहरी विधेयक चाँडै नै प्रदेशसभाबाट पारित हुने विश्वास व्यक्त गर्नुभयो ।

adsads

मुख्यमन्त्री राउतले प्रहरी प्रणालीलाई पुनःसंरचना गरी मुलुकमा सक्षम, सुदृढ र व्यावसायिक प्रहरी सङ्गठनका रुपमा रुपान्तरण गर्नु आजको आवश्यक्ता रहेको उल्लेख गर्दै सङ्घीय प्रहरी ऐनबमोजिम नै प्रहरीमा समायोजन, सहकार्य र समन्वय हुने बताउनुभयो ।

संविधानले नै सहकार्य र सहअस्तित्वको परिकल्पना गरेका हुनाले सोहीबमोजिम प्रदेश सरकारले प्रदेश प्रहरी गठन गर्न लागेको बताउँदै उहाँले भन्नुभयो, “प्रहरी सङ्गठनले परिवर्तित परिवेशको भावनाअनुरुप कार्य गर्ने विश्वास लिएको छु ।”

मुख्यमन्त्री राउतले प्रदेश प्रहरी प्रदेश सरकारको अभिन्न अङ्ग छ भन्दै यसले सङ्घीयतालाई आत्मसात् गरेको बताउनुभयो ।

आन्तरिक मामिला तथा कानूनमन्त्री ज्ञानेन्द्रकुमार यादवले अवशेषमुखी प्रहरी संरचनालाई आधुनिकीकरण गर्नुपर्नेमा जोड दिनुभयो ।

प्रदेश नं. २ का प्रहरी नायब महानिरीक्षक दिनेश अमात्यको अध्यक्षतामा भएको कार्यक्रममा ‘महिला हिंसा न्यूनीकरणमा समाज र प्रहरीको दायित्व’ विषयक निबन्ध प्रतियोगिताका उत्कृष्ट छात्रछात्रालाई नगदसहित पुरस्कृत गरिएको थियो ।

यसैगरी कार्यक्रममा प्रहरी कार्यमा सहयोग गरेका सहयोगीहरुलाई पनि प्रशंसापत्र प्रदान गरिएको थियो ।

 

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

शिखर बैठकअघि मुनले ट्रम्पलाई भेट्ने

फेसबुक

शिखर बैठकअघि मुनले ट्रम्पलाई भेट्ने

ट्वीटर

सामाजिक सञ्जाल

More
error: Content is protected !!