सत्तारुढ नेकपाले यस वर्ष चियापान आयोजना नगर्ने

27 October, 2020 19:08 | राजनीति | comments | 21000 Views

हरेक वर्ष दशैंको कोजाग्रत पूर्णिमाका दिन चियापान आयोजना गर्दैआएका राजनीतिक दलहरुले यसपटक कोरोना संक्रमणका कारण सो कार्यक्रम आयोजना नगर्ने घोषणा गरेका छन् । यसै क्रममा सत्तारुढ पार्टी नेपाल कम्युनिष्ट पार्टी (नेकपा)ले बडादशैं, तिहार, नेपाल संवत् ११४१, छठलगायत चाडपर्वका अवसरमा आयोजना गर्दै आएको शुभकामना आदानप्रदान तथा चियापान कार्यक्रम यस वर्ष नगर्ने भएको छ ।

नेकपाका केन्द्रीय कार्यालयका सचिवद्वय ईश्वरी रिजाल र श्रीराम ढकालले मंगलबार विज्ञप्ति जारी गरी कोभिड –१९ महामारीका कारण यस वर्ष उक्त कार्यक्रम स्थगन गरिएको जानकारी दिनुभएको हो ।

  

विज्ञप्तिमा ती पर्वका अवसरमा देशविदेशमा रहेका सम्पूर्ण नेपालीमा सुख, समृद्धि र उत्तरोत्तर प्रगतिको शुभकामना व्यक्त गरिएको छ ।

यसअघि प्रमुख प्रतिपक्षी दल नेपाली कांग्रेसले कोजाग्रत पूर्णिमाका दिन आयोजना गर्दैआएको चियापान कार्यक्रम नगर्ने घोषणा गरिसकेको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More