सबै नागरिकलाई निःशुल्क खानेपानी व्यवस्था हुन्छ : मन्त्री मगर

4 September, 2018 10:35 |राजनीति | comments | 17850 Views

    खानेपानी मन्त्री बीना मगरले सबै नागरिकलाई निःशुल्क खानेपानीको व्यवस्था गरिने बताउनुभएको छ । पश्चिम सुर्खेतको बराहताल गाउँपालिका–५ मा रहेको बड्डीचौर खानेपानी तथा सरसफाइ उपभोक्ता समितिद्वारा सञ्चालित खानेपानी गुणस्तर सुधार आयोजनाको उद्घाटन कार्यक्रममा मन्त्री मगरले नागरिकलाई निःशुल्क खानेपानीको व्यवस्था गरिने बताउनुभएको हो ।

    adsads

    स्वच्छ र सफा पानी पिउन पाउने नागरिकको अधिकारलाई सुनिश्चित गर्दै प्रदेश र स्थानीय सरकारसँग हातेमालो गरी यस क्षेत्रका खानेपानी समस्या समाधान गरिने मन्त्री मगरले बताउनुभयो । उहाँले सबै नागरिकलाई स्वच्छ खानेपानी पुर्याउने सरकारले प्राथमिकता दिएर बजेट छुट्याएको बताउनुभयो । मन्त्री मगरले सरकारले निःशुल्क खानेपानीमा सबै नागरिकको पहुँच पुर्याउने योजना बनाएको जानकारी दिनुभयो ।

    पश्चिम सुर्खेतको बराहताल गाउँपालिकामा रहेको बड्डिचौर खानेपानी आयोजना ११ वर्षपछि सञ्चालनमा आएको छ । सरकारको ८० प्रतिशत लगानीमा २०६४ सालबाट निर्माण कार्य शुरु भएको खानेपानी आयोजना ११ वर्षपछि सञ्चालनमा आएको हो ।

    उक्त आयोजनाबाट बराहताल गाउँपालिकाका–५ र ८ का करीब दुई हजार घरधुरी लाभान्वित भएका छन् । तीन करोड ३४ लाख ८९ हजार लागतमा खानेपानी आयोजना निर्माण भएको खानेपानीका अध्यक्ष अर्जुनकुमार वुचामगरले जानकारी दिनुभयो ।

    नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

    तपाईंको प्रतिकृया

    Loading...

    ताजा समाचार

    फेसबुक

    ट्वीटर

    सामाजिक सञ्जाल

    More
    error: Content is protected !!