सर्वसाधारणलाई निर्घात कुट्ने सशस्त्र प्रहरी कारबाहीमा पर्ने, प्रहरी कुट्ने एकजना पक्राउ

30 March, 2020 20:17 | जन सरोकार | comments | 34800 Views

सप्तरीमा लिएर गैरहेका दुई युवालाई निर्मम तरिकाले कुटपिट गर्ने सशस्त्र प्रहरीलाई कारबाही हुने भएको छ ।

सशस्त्र प्रहरीले लकडाउन उल्लंघन गरेको आरोपमा जिल्लाको बलान बिहुल गाउँपालिका–३ मौवाहाका हरेकृष्ण साह र चन्द्र यादवलाई कुटपिट गरेको भिडियो सार्वजनिक भएपछि सशस्त्र प्रहरी बल प्रधान कार्यालयले छानबिन गरिरहेको समाचार छ ।

  

घर नजिकै रहेको बिहारको लौकहा बजारबाट औषधि खरिद गरी फर्किने क्रममा दुबैलाई भुइँमा घोप्टो पारेर कुटपिट गरेको भिडियो सामाजिक सञ्जालमा भाइरल भएको थियो । कुटपिट गर्ने कर्मचारी सशस्त्र प्रहरी बल नेपाल बोर्डर आउट पोष्ट रामनगर कोदरकट्टीबाट खटिएका थिए । घाइते दुबैको स्थानीय स्वास्थ्य चौकीमा उपचार भइरहेको छ ।

सर्वसाधारणमाथि निर्घात कुटपिट भएको भिडियो सार्वजनिक भएपछि सशस्त्र प्रहरी बल, नेपालको हल्चोकस्थित मुख्यालयले छानविन थालेको र दोषी भेटिए घटनामा संलग्न कर्मचारीमाथि विभागीय कारबाही हुने सशस्त्र प्रहरीका प्रवक्ता प्रवीणकुमार श्रेष्ठले बताउनुभएको छ ।

यसैबीच बाराको परवानीपुर गाउँपालिका ५ गण्डक चोकमा डिउटीमा खटिएको प्रहरीलाई कुटपिट गरेको अभियोगमा सोही गाउँपालिका ५ नौतन बहुअरी बस्ने २७ वर्षीय गणेश कुमार साहलाई आइतबार बिहान प्रहरीले पक्राउ गरेको छ ।

ईलाका प्रहरी कार्यालय प्रसौनीबाट डिउटीमा खटिएको प्रहरीले साह समेत ८/९ जनालाई लकडाउनको समयमा क्रिकेट खेल्न हुँदैन भनी सम्झाउने क्रममा साहले क्रिकेट खेल्ने ब्याटले प्रहरीलाई प्रहार गरेपछि उनलाई पक्राउ गरेको हो । व्याट प्रहारबाट एकजना प्रहरी हवल्दार घाइते भएका छन् ।

यस सम्बन्धमा प्रहरीले थप अनुसन्धान गरिरहेको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More