सागको १३ औं संस्कणसम्म आइपुग्दा नेपालको भागमा एक सय एक स्वर्णपदक

3 December, 2019 21:50 |खेल | comments | 3000 Views

    नेपालबाट सुरु भएको दक्षिण दक्षिण एसियाली खेलकुद (साग)मा नेपालको प्रदर्शन सन्तोषजनक छैन । खेलको १३ औं संस्करणसम्म आइपुग्दा मंगलबार नेपालले सागको अहिलेसम्म स्वर्णपदकको संख्या १०० पुर्याएको छ ।

    adsads

    मंगलबाट कराँतेको व्यक्तिगत स्पर्धामा सुनिता महर्जनले स्वर्ण पदक जितेपछि सागमा नेपालको स्वर्ण संख्या १०० पुगेको हो । नेपालले अहिलेसम्म १२५ रजत र २८० कास्य जितीसकेको छ । १२ औं सागसम्ममा नेपालले कुल ७९ पदक जितेको थियो ।

    सन् १९८४ मा काठमाडौंमा आयोजित सागमा नेपालले चार स्वर्ण पदक जितेको थियो । नेपालले १९८५ मा एक, १९८७ मा दुई, १९८९ मा एक, १९९१ दुई १९९३ मा एक र १९९५ मा चार स्वर्ण पदक जितेको थियो । नेपालमै दोस्रोपटक १९९९ मा आयोजित सागमा अहिलेसम्मकै सर्वाधिक पदक जितेको थियो । कराँते र तेक्वान्दो पहिलो पदक समावेश आठौं सागमा ३२ स्वर्णसहित समग्र प्रदर्शनमा नेपाल दोस्रो स्थानमा आएको थियो ।

    २००४ मा पाकिस्तानमा आयोजित सागमा सात स्वर्ण जितेको नेपालले २००६ मा श्रीलंकामा आयोजित दशौं सागमा १५ स्वर्ण जितेको थियो । यसपटक तेस्रो दिन नै दशौं सागमा भन्दा बढी २२ स्वर्ण जितिसकेको छ । यो आठौं सागपछिको दोस्रो ठूलो सफलता हो । २०१० मा आठ र २०१६ मा जम्मा तीन वटा स्वर्ण जितेको थियो ।

    नेपालबाट सुरु भएको सागमा भारतले सबैभन्दा बढी पदक जितेको छ । १२ औं सागसम्ममा उसले ११ सय स्वर्ण सहित कुल दुई हजार ८६ पदक जितेको छ । दोस्रो स्थानमा पाकिस्तान छ । उसको ३२९ स्वर्णसहित एक हजार १५१ पदक छ । २२० स्वर्ण, ३६० रजत र ५६२ कास्य जितेको श्रीलंका सागको समग्रतालिकामा तेस्रो स्थानमा छ । स्वर्ण, रजत र कास्य गरी पाँच सय रजत जितेको नेपाल समग्र प्रदर्शन चौथो स्थानमा छ ।

    ६८ स्वर्ण सहित कुल ६४७ पदक हात पारेको बंगलादेशले नेपाललाई पछ्याइरहेको छ । यस अवधिमा पहिलो सागदेखि नै निरन्तर सहभागी माल्दिभ्सले स्वर्ण पदको खाता खोल्न सकेको छैन । उसले अहिलेसम्म ४ र रजत ९ कास्य मात्रै जितेको छ । दुई स्वर्ण, १६ रजत र ५३ कास्य जितेको भुटान सातौं स्थानमा छ ।

    २००४ मा पाकिस्तानमा आयोजित नवौं सागबाट सहभागीता जनाउन थालेको अफगानिस्तान समग्र अंक तालिकाको छैटौं स्थानमा छ । चार वटा साग खेलीसकेको अफगानिस्तानले २० स्वर्ण, २६ रजत र ५४ कास्य सहित कुल १०० पदक जितीसकेको छ ।

    नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

    तपाईंको प्रतिकृया

    Loading...

    ताजा समाचार

    फेसबुक

    ट्वीटर

    सामाजिक सञ्जाल

    More