सर्वेन्द्र खनाल सर्वेन्द्र खनाल

  • सर्वेन्द्र खनाल
  • सर्वेन्द्र खनाल
  • सर्वेन्द्र खनाल
  • सर्वेन्द्र खनाल
  • सर्वेन्द्र खनाल

‘सातै प्रदेशमा लागुऔषध पुनस्र्थापना केन्द्र स्थापना गरिने ’

18 September, 2019 23:05 | जन सरोकार , प्रदेश | comments | 12750 Views

सर्वेन्द्र खनाल

प्रहरी महानिरीक्षक सर्वेन्द्र खनालले लागुऔषध नियन्त्रणमा नेपाल प्रहरी गम्भीर रहेको बताउनुभएको छ । नेपाल प्रहरी श्रीमती सङ्घद्वारा सञ्चालित आसरा सुधार केन्द्रको ‘२३औँ वार्षिकोत्सव समारोह’का अवसरमा बुधबार काठमाडौँमा आयोजित कार्यक्रममा महानिरीक्षक खनालले लागुऔषध नियन्त्रणलाई नेपाल प्रहरी र सरकारले विशेष चासो दिएको बताउनुभयो ।

ads ads

“लागुऔषध प्रयोगकर्ताको उपचारका लागि नेपाल प्रहरीले सातै प्रदेशमा पुनस्र्थापना केन्द्र स्थापना गर्न लागेको छ”, उहाँले भन्नुभयो । उहाँले कठिन परिस्थिति गुजारेर अघि बढेका केन्द्रमा उपचाररत् सदस्यले सकारात्मक सोच लिएर अघि बढेमा अब्बल नागरिक बनेर देशलाई योगदान पु¥याउन सक्ने बताउनुभयो ।

महानिरीक्षक खनालले बाटो बिराएर लागुऔषध दुव्यर्सनमा फसेका व्यक्तिलाई समाजमा पुनस्र्थापना गर्ने पवित्र कार्य गर्न केन्द्र तथा यसमा सहयोग गर्ने नागरिक समाजको योगदान विशिष्ट भएकाले लागुऔषध दुव्यर्सन हुने अन्य स्थानमा समेत केन्द्र स्थापना गर्न लागेको उल्लेख गर्नुभयो । नेपाल प्रहरी श्रीमती सङ्घले निःस्वार्थ रुपमा समाजसेवाको क्षेत्रमा काम गरेकाले सबै भएर सहयोग गर्नुपर्ने बताउनुभयो ।

नेपाल प्रहरीका पूर्वप्रहरी वरिष्ठ उपरीक्षक वसन्तराज कुँवरले लागुऔषध सेवनले व्यक्तिका साथसाथै समाज, राष्ट्र र अन्तर्राष्ट्रिय क्षेत्रमा असर पर्ने भएकाले यसको अन्त्य गर्नुपर्ने उल्लेख गर्नुभयो । मानवसेवाभन्दा ठूलो सेवा अरू केही सेवा नहुने भएकाले मानवसेवाको क्षेत्रमा तन, मन र कर्मले लाग्नुपर्ने उहाँको भनाइ थियो ।

काठमाडौँ महानगरपालिका–३ का अध्यक्ष दीपक केसीले समुदाय–प्रहरी साझेदारी कार्यक्रमअन्तर्गत लागुऔषध नियन्त्रणमा स्थानीय तहले महत्वपूर्ण भूमिका खेलेको उल्लेख गर्नुभयो । केन्द्रका अध्यक्ष एवम् नेपाल प्रहरी श्रीमती सङ्घ अध्यक्ष प्रमिला खनालले समाजमा दिनानुदिन लागुऔषध प्रयोगकर्ता बढ्दै गएको भन्दै यसलाई रोक्न राज्यका सबै नागरिकको भूमिका अपरिहार्य रहेको बताउनुभयो ।

विसं २०५४ मा स्थापना भएको सुधार केन्द्रले लागुऔषध प्रयोकर्ताको उपचार साथै परामर्श दिँदै आएको सङ्घकी सचिव बबिता पालले जानकारी दिनुभयो । कार्यक्रममा केन्द्रको विकासमा सहयोग पु¥याउने व्यक्ति तथा संस्थालाई पुरस्कार तथा सम्मान गरिएको थियो । सोही अवसरमा सांस्कृतिक कार्यक्रमसमेत सञ्चालन गरिएको थियो ।

लागुऔषध ओसारपसारको मुख्य केन्द्रविन्दु बन्दै थानकोट नाका

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
सर्वेन्द्र खनाल

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More