सुनको अक्षरले लेखिएको बुद्धग्रन्थ पाँच करोडमा विक्री गर्न खोज्ने छजना पक्राउ

10 July, 2020 18:07 | जन सरोकार | comments | 29250 Views

प्रहरीले बहुमूल्य पुरातात्विक महत्वको सुनको अक्षरमा लामा भाषामा लेखिएको बौद्ध ग्रन्थका पानाहरु विक्री गर्न खोज्नेलाई प्रहरीले पक्राउ गरेको छ । उनीहरूबाट १६ पाना बौद्ध धर्मको ग्रन्थ पनि बरामद गरेको छ ।

बुधबार प्रहरीले सुनको अक्षरले लेखिएको धार्मिक ग्रन्थको पानाहरू पाँच करोडमा बिक्री गर्न खोज्ने ६ जनालाई प्रहरीले पक्राउ गरेको हो । काठमाडौंको चन्द्रागिरि नगरपालिका १५ ढुंङ्गेअड्डाबाट ६ जनालाई पक्राउ गरेको हो ।

  

उनीहरूले लामा भाषामा लिखित पुरानो बुद्ध धर्मग्रन्थ पाँच करोडमा बिक्री गर्न लागेको सूचना पाएपछि महानगरीय प्रहरी वृत्त थानकोट र महानगरीय अपराध महाशाखाको संयुक्त टोलीले मोलमोलाई गरिरहेको अवस्थामा पक्राउ गरेको हो ।

पक्राउ पर्नेमा खोटाङ दिक्तेल नगरपालिका ४ का ३२ वर्षीय गेहेन्द्र सिंह आत्रेय, काभ्रे पाँचखाल नगरपालिका ३का ४२ वर्षीय जनक गिरी, ओखलढुंगा मानेभन्ज्याङ गाउँपालिका १ का ३१ वर्षीय सुबास कुमार बस्नेत, ओखलढुंगा सुनकोशी गाउँपालिका २ का ३३ वर्षीय हरीबहादुर लामिछाने, तारकेश्वर नगरपालिका ११ का ६४ वर्षीय राजेन्द्र बहादुर जोशी र नुवाकोट ककनी गाउँपालिका ८ का ३४वर्षीय रोशन तामाङ छन् ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More