शुक्रबारदेखि हरर फिल्म ‘घर’ प्रर्दशनमा आएको छ । हरर फिल्म ‘सुनकेसरी’ पछि अर्पण थापाले घर निर्देशन गरेका हुन् ।

निर्देशक थापाको समेत अभिनय रहेको फिल्म घरमा नायिकाद्वय सुरक्षा पन्त र बेनिशा हमालको मुख्य भूमिका छ । साथमा अस्मिता खनाल, सरोज अर्याल, श्रृष्ट्रि महर्जन, विकाश खनाल लगायत कलाकारको अभिनय रहेको छ ।

शर्मिला पाण्डेले निर्माण गरेको फिल्ममा सन्तोष अधिकारी सह निर्माता रहेका छन् । निरज कँडेलले छायांकन गरेको फिल्मलाई मिलन श्रेष्ठले सम्पादन गरेका हुन् । यतिबेला नेपाली फिल्मलाई मनसुन लागि रहेको छ । बर्षायाममा घर ले नेपाली फिल्म बजारलाई कत्तिको तताउँला त ?