सेप्टेम्बरमा “गल्कोट स्पोर्ट्स क्लव छैठौं भलिबल प्रतियोगिता” हुने

6 July, 2020 20:11 | खेल , जापान | comments | 37500 Views

“स्वास्थ्यका लागि खेलकुद,राष्ट्रका लागि खेलकुद” भन्ने मुल नाराका साथ सन् २०१५ मा स्थापना भएको गल्कोट स्पोर्ट्स क्लव टोकियोले छैठौ भलिबल प्रतियोगिता गर्ने घोषणा गरेको छ ।

नेपाली नया वर्ष र क्लवको बार्षिकोत्सवको उपलक्ष्यमा हरेक वर्ष गर्दै आईरहेको भलिबल प्रतियोगिता विश्वभरी फैलिईरहेको कोरोना भाइरसका कारण स्थगित भएको थियो ।

  

क्लवका अध्यक्ष लक्ष्मण कार्कीको अध्यक्षतामा संरक्षक गिरी प्रसाद शेरचन,रत्नसिंह बस्नेत तथा सल्लाहकारहरु बेलुकाजी थापा (संयोजक अन्तराष्ट्रिय गल्कोट समाज समेत) रामकृष्ण बम मल्ल, बिजय भण्डारी, चन्द्र बहादुर खत्री र बहुसंख्यक कार्यसमिति सदस्य उपस्थिति बैठकले भलिबल प्रतियोगितालाई निरन्तरता दिने निर्णय गरेको हो ।

प्रतियोगिता सेप्टेम्बर २ तारिक बुधबारका दिन साईतामा केनको टोडा स्पोर्ट्स सेण्टरमा सम्पन्न हुने क्लवका महासचिव दुर्गाबहादुर खत्रीले जानकारी दिनुभयो । प्रतियोगिताको तयारी तथा ब्यबस्थापनका लागि क्लवका अध्यक्ष लक्ष्मण कार्की संयोजक रहने गरी मुलआयोजक समिति साथै बिभिन्न उपसमिति गठन गरी कार्यबिभाजन समेत गरिएको छ ।

प्रतियोगिता सम्पन्न गर्न लक्ष्मण कार्कीको संयोजकत्वमा मुलआयोजक समिति गठन गरिएको छ भने आर्थिक संयोजकमा बु्द्व बस्नेत, प्रचार प्रसार संयोजकमा हिमाल कँडेल, हल ब्यवस्थापन संयोजकमा दुर्गा बहादुर खत्री र स्वयंसेवक संयोजकमा दिनेश थापा रहेका छन् ।

त्यसै गरी खेलाडी संयोजक अम्मर भण्डारी, भोजन ब्यवस्थापन संयोजक प्रकाश निउरे, अतिथी ब्यवस्थापन संयोजक कृष्ण गौतम, रेफ्री, एम्पाएर एवं खेल सामग्री संयोजक देवेन्द्र खत्री र हल निरीक्षण संयोजक जिवन गैरे रहनु भएको छ ।

प्रतियोगितामा सहभागी हुने टीमलाई प्रवेश शुल्क जापानी येन चालीस हजार तोकेको छ भने पुरस्कार राशी क्रमश प्रथम हुनेलाई तीन लाख येन नगद प्रमाण पत्र, मेडल र सिल्भर कप तथा द्वितीय पुरस्कार दुई लाख येन नगद प्रमाण पत्र, मेडल साथै छ छुट्टाछुट्टै बिधामा उत्कृष्ट खेलाडीलाई आकर्षक पुरस्कारद्वारा सम्मान गरिने छ ।

गल्कोट स्पोर्ट्स क्लव टोकियोले प्रतियोगिताबाट भएको आम्दानीबाट नेपालमा खेल क्षेत्रमा निरन्तर सहयोग गर्दै आएको छ । गल्कोट स्पोर्ट्स क्लव टोकियो नेपालको राष्ट्रिय खेल भलिबललाई जापानमा निरन्तर छैठौं पटक आयोजना गर्ने एकमात्र नेपाली संस्था हो ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More