स्कुल जानु छ खाली खुट्टा
२१ कात्तिक २ बजे, बेतहनी-होलिया सडक खण्डमा एक हुल विद्यार्थी भेटिए। उनीहरूले टिसर्ट र हाफ पाइन्ट लगाएका थिए।
टिसर्ट च्यातिएको थियो। हाफपाइन्ट ठाउँठाउँमा सिलाएको स्पष्टै देखिन्थ्यो। लामबाहुले लगाउने निकै कम थिए। तीनदेखि पाँच वर्ष उमेर नकटेका उनीहरू सबै हतारमै देखिन्थे। थोरै अलकत्रा छर्केर कालोपत्रे गर्न तयार गिट्टीयुक्त सडकमा अधिकांश नांगो खुट्टामै थिए। केहीको खुट्टामा चप्पल थियो। जुत्ता त कसैले पनि लगाएका थिएनन्।

यो बाँकेको डुडुवा गाउँपालिकाको होलियास्थित जनता आधारभूत विद्यालयका विद्यार्थी घर फर्कंदै गर्दा हो। विकट गाउँ होलियामा मधेसी समुदायको बसोबास छ। ‘सबैजसो मधेसी समुदायका बालबालिका छन्। उनका बाआमाले नै जुत्ता-चप्पल लगाउँदैनन्। सन्तानलाई पनि खाली खुट्टा स्कुल पठाउँछन्’, सरस्वती बाल विकास केन्द्रकी शिक्षिका नारायणी पुनले भनिन्, ‘यिनीहरूलाई खाली खुट्टामै हिँड्ने बानी छ।
कतिलाई त जुत्ताचप्पल लगाएर हिँड्न पनि आउँदैन।’ विद्यालयकी सहायक जनक दुलारी चौहानले कतिले त स्कुलमा हराउँछ भनेर चप्पल घरमा लुकाएर आएको बताइन्। बालविकासको कक्षा ०६२ सालदेखि सुरु भए पनि विद्यार्थी संख्या दुईतीन वर्षयता मात्र बढेका हुन्।
विद्यालयमा डुडुवा गाउँपालिकाको १ को खडैंचा र होलियाका बालबालिका पढ्न जान्छन्। होलिया लक्ष्मणपुर बाँधका कारण सधैं डुबानमा पर्छ। केही वर्षअघिसम्म यहाँका धेरै निरक्षर बालबालिका सडकमा खेलिरहेको भेटिन्थे। अहिले जनता आधारभूत विद्यालयको बालविकासमा एक सय २७ बालबालिका अध्ययनरत छन्। एउटै विद्यालयमा पाँचवटा बाल विकास कक्षा सञ्चालन गरिएको छ।
कक्षाकोठामा फर्निचर छैन। न त भुइँमा ओछ्याउने कार्पेट राम्रो छ। विद्यालयसँग यसको व्यवस्थापन गर्न बजेट नभएको प्रधानाध्यापक शिवप्रसाद सापकोटाले बताए। बाल विकास केन्द्रको प्रशासनिक खर्च वार्षिक १२ हजार रुपैयाँ हुन्छ। उनका अनुसार रजिस्टर, चक-डस्टर सबै यही रकमले किन्नुपर्छ।
विद्यार्थी घरबाटै खाजा ल्याउँछन्। ‘मंसिरदेखि फागुनसम्म बढी जाडो हुन्छ। के गर्मी महिना के जाडो उनीहरू यसरी नै पढ्न आउँछन्। विद्यालय आउनु मात्र ठूलो कुरा होइन। मधेसी समुदायका बालबालिकालाई टिकाइराख्न चुनौती हुन्छ’, सापकोटा भन्छन्, ‘अधिकांश गरिबका छोराछोरी छन्। जुत्ताचप्पल र विद्यालयमै खाजाको व्यवस्था गर्न सके विद्यार्थीलाई टिकाइराख्न सकिन्थ्यो।’
आजको अन्नपूर्ण पोस्टमा खबर छ ।
तपाईंको प्रतिकृया
ताजा समाचार
- आगामी आवमा अर्थतन्त्र २.७ प्रतिशतले वृद्घि हुने विश्व बैंकको प्रक्षेपण
- श्लेषमान्तक वनमा पक्की चिहान निर्माण रोक्न माग
- युट्युवलाई स्वनियमन गर्नुपर्नेमा महासङ्घका नवनिर्वाचित पदाधिकारीको जोड
- भारतको दादागिरी- नेपाली भूमिमा निर्माण गर्न लागेको तटबन्ध
- हेटौँडामा करेन्ट लागेर दम्पत्तीको मृत्यु
- प्रतिनिधिसभाका समितिमा नाम हेरफेर
- ओलीले पार्टीलाई एकपक्षीय रुपमा सञ्चालन गरे : नेपाल
- सरोकारवालाको प्रश्न- नारा जुलुश गर्दा कोभिड नसर्ने, मापदण्ड अपनाएर पढाउँदा सर्ने ?
- फैलदो कोरोनाको पञ्जा, आठजनाको मृत्यु, पाँच सय ५९ संक्रमित
- तक्मामा हराएको चुच्चे नक्सा- प्रतिनिधिसभा बैठकमा उठ्यो प्रश्न
- नेपालमा पहिलेकोभन्दा कडाखालको भाइरस, अरुलाई सार्ने क्षमता अत्यधिक
- राष्ट्रिय यु–१९ क्रिकेट टोलीलाई चौधरी ग्रुपको साथ- पाँच वर्षसम्म वार्षिक ७० लाख दिने
- भारतमा एकैदिनमा एक झण्डै पौने लाख संक्रमित, मृत्यु हुनेको संख्या एक लाख ७० हजार नाघ्यो
- नेपाली कामदारको भिसा अवधि एक वर्ष थप गर्ने कोरिया सरकारको निर्णय
- बोडेमा जात्रा नरोकिने, आठौँ पटक बुद्धकृष्णले जिब्रो छेड्ने
- अबको एक महिनामा कोटेश्वरदेखि जडीबुटीसम्मको सडक निर्माण सकिने
- हरिद्वारमा हिन्दीमा प्रश्न र पूर्व राजाको नेपालीमा रोचक उत्तर (सम्बोधनको पूर्णपाठसहित)
- कांग्रेसले सदस्यताको म्याद पुनः थप्दै
- सनातन धर्मावलम्बीको पवित्र स्थान पशुपति क्षेत्रमा इसाइहरुको चिहान
- सुदूरपश्चिम प्रदेश उच्च जोखिममा, भारतबाट फर्कने १० प्रतिशत संक्रमित
फेसबुक

ट्वीटर
Tweets by @mynepaljapan
सामाजिक सञ्जाल
ठाकुर गैरे
विश्वप्रकाश शर्मा
@PM_Nepal को ध्यान जाओस्
कमल थापा
बाबुराम भट्टराई


