१४ लाख ६४ हजार आठ सय ५२ जना संक्रमित- ८५ हजारभन्दा बढीको मृत्यु, अमेरिकामा एकैदिन १९ सयको मृत्यु

9 April, 2020 12:21 | विश्व समाचार | comments | 34200 Views

विश्वव्यापी महामारीका रुपमा फैलिइरहेको कारोना भाइरस संक्रमणबाट बुधबार रातिसम्म विश्वभरमा १४ लाख ६४ हजार आठ सय ५२ जना संक्रमित भएका छन् भने ८५ हजारभन्दा बढीको मृत्यु भएको छ ।

यसबीचमा ३ लाख ९ हजार १८३ जना भने निको भएका छन् । बुधबार साँझसम्मको यो तथ्याङ्क विश्व स्वास्थ्य संगठनले सार्वजनिक गरेको हो । पछिल्लो तथ्यांक अनुसार एटालीमा १७ हजार ५ सय ६९, इटालीमा १४ हजार ६ सय ७३ र अमेरिकामा १३ हजार ७ जना तथा फ्रान्समा १९ हजार ३ सय २८ जनाको मृत्यु भएको छ ।

  

पछिल्लो समय अमेरिकामा कोरोना संक्रमण अनियन्त्रित रुपमा फैलिइरहेको छ । अमेरिकामा बुधबार मात्रै एक हजार ९०० जनाको मृत्यु भएको छ । पछिल्लो विवरण अनुसार अमेरिकामा ४ लाख ३१ हजार ८ सय ३८ जना संक्रमित र १४ हजार ७ सय ६८ जनाको मृत्यु भएको छ । सबैभन्दा बढी प्रभावित न्यूयोर्कमा मृतकको संख्या चार हजार नाघिसकेको छ ।

यद्यपी कूल मृतकको संख्या युरोपेली मुलुकहरुमा सबैभन्दा बढी देखिएको छ । इटाली, स्पेन, फ्रान्स, स्पेन, नेदल्यान्ड्स, बेलायतजस्ता समृद्ध र बलियो स्वास्थ्य प्रणाली भएका राष्ट्रहरुमा कोरोना पीडितको संख्या बढी देखिएको छ ।

त्यसै गरी बेलायतमा ६ हजारभन्दा बढीको मृत्यु भइसकेको छ । बेलायतका प्रधानमन्त्री बोरिस जोन्सन समेत ५५ हजारभन्दा बढी बेलायती नागरिक कोरोनाभाइरसबाट संक्रमित भएका छन् । प्रधानमन्त्री जोन्सनको लन्डनस्थित सेन्ट टमस अस्पतालको सघन उपचार कक्षमा राखेर विशेषज्ञ चिकित्सकको निगरानीमा उपचार भइरहेको छ । उहाँको स्वास्थ्य अवस्था स्थिर रहेको र अक्सिजन दिइएको छ ।

उता इरानमा मृतकको संख्या ३ हजार ८७२ पुगेको छ भने चीनमा ३ हजार ३३३, नेदरल्यान्ड्समा २ हजार १०१, बेल्जियममा २ हजार ३५, जर्मनीमा २ हजार १६, स्वीट्जरल्यान्डमा ८२४, टर्कीमा ७२५ तथा ब्राजिलमा ६८८ जनाको ज्यान गएको छ । चीनले कोरोनाभाइरस उत्पत्तिको केन्द्र मानिएको हुबे प्रान्तको उहान शहरमा ७६ दिनदेखि जारी लकडाउन बुधबारदेखि हटाएको छ ।

करिब एक अर्ब ३७ करोड जनसंख्या रहेको भारतमा कोरोनाभाइरस संक्रमितको संख्या ५ हजार ३६० पुगेको र १६४ जनाको मृत्यु भएको छ । पाकिस्तानमा कूल संक्रमित ४ हजार रहेकामा ५८ जनाको मृत्यु भएको, बंगलादेशमा १६४ जना संक्रमित पाइएकामा १७ जनाको मृत्यु भएको र श्रीलंकामा १८६ जना संक्रमितमध्ये ६ जनाको मृत्यु भएको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More