राजनीति

पुस २७ गते राष्ट्रिय एकता दिवस मनाउन साझा पार्टीको आग्रह

पृथ्वीनारायणः राष्ट्रिय एकताका प्रवत्र्तक

पृथ्वीनारायणः राष्ट्रिय एकताका प्रवत्र्तक

सरकारी तहबाट पुस २७ गते विगतमा मनाइँदै आइएको पृथ्वी जयन्ती तथा राष्ट्रिय एकता दिवस मनाउन छाडे पनि विभिन्न राजनीतिक दल र संघसंस्थाले यसलाई निरन्तरता दिइरहेका छन् । यसै क्रममा साझा पार्टीले पौष २७ गतेलाई राष्ट्रिय एकता दिवसका रूपमा मनाउने निर्णय गरेको छ ।

पार्टीले शुक्रबार एक विज्ञप्ति जारी गरी आफ्ना देश विदेशमा रहेका सम्पूर्ण इकाईहरुलाई पुस २७ गतृ राष्ट्रिय एकता दिवस मनाउन निर्देशन दिएको छ । त्यस्तै पार्टीले सरकारसंग नेपाली रूपैयाँमा पृथ्वी नारायण शाहको फोटो अंकित गर्न र हरेक सरकारी कार्यालयमा ससम्मान उहाँको फोटो राख्न निर्देशन जारी गर्न आग्रह गरेको छ ।

“नेपाली हामी रहौँला कहाँ नेपालै नरहे” भने झैँ पृथ्वीनारायण शाहले नेपाल राज्यको निर्माण नगरिदिएको भए आज हामी के हुन्थ्यौँ अनुमान गर्न कठिन छ भन्ने सन्दर्भ उठाउँदै पार्टीले नेपालको विविधताको जगमा राष्ट्रिय एकतालाई सवल बनाउने मार्गदर्शक सुत्रका प्रणेता पृथ्वीनारायण शाहको दुरदर्शिता र दिव्य उपदेश संवृद्ध नेपाल निर्माणका लागि अहिले पनि उत्तिकै सान्दर्भिक रहेको ठहर गरेको छ ।

पुस २७ गते पृथ्वीजयन्तीमा सार्वजनिक बिदा

सम्बन्धित खबर

Back to top button