जन सरोकार

पुस २७ देखि माघ १५ गतेसम्म विद्यालय विदा (सूचनासहित)

शिक्षा मन्त्रालयले कोरोना संक्रमण बढ्दै गएपछि पुस २७ गतेदेखि नै विद्यालयहरु विदा हुने बताएको छ । सरकारले माघ १५ गतेसम्म विद्यालय विदा गर्ने निर्णय गरेको भए पनि कहिलेदेखि भन्ने टुंगिएको थिएन ।

हिजो आइतबार कोभिड–१९ संकट व्यवस्थापन समन्वय केन्द्र (सीसीएमसीसी)ले माघ १५ गतेसम्म विद्यालय विदा गर्न सिफारिश गरेको थियो

सोही सिफारिश अनुसार सोमबार शिक्षा, विज्ञान तथा प्रविधि मन्त्रालयका प्रवक्ता दीपक शर्माले विज्ञप्ति जारी गरी पुस २७ देखि माघ १५ गतेसम्म विद्यालयहरु बन्द हुने जानकारी दिनुभएको छ ।

विदाको अवधिमा मन्त्रालयले विद्यार्थीलाई वैकल्पिक सिकाइसँग जोड्न निर्देशन दिंदै विज्ञप्तिमा भनिएको छ ‘विदाको अवधिमा सिकाइ सहजीकरण निर्देशिका २०७७ ले गरेको व्यवस्था बमोजिम सिकाइमा आवश्यक सहजीकरण गर्ने प्रबन्ध मिलाउनू ।’

मन्त्रालयले विदाको अधिमै १२ देखि १७ वर्ष उमेर समूहकालाई स्थानीय स्वास्थ्यचौकीमा खोप लगाउने कार्यक्रम समेत रहेकाले विद्यालयसंग समन्व्य गरी खोप लगाउन पठाइदिन आम अभिभावकहरुलाई मन्त्रालयले अनुरोध गरेको छ ।

त्यस्तै विश्वविद्यालय शैक्षिक प्रतिष्ठानहरुको पूर्वनिर्धारित सेमेष्टर, वार्षिक परीक्षाका कार्यक्रमहरु जनस्वास्थ्य र सुरक्षाको मापदण्डहरु पूर्ण रुपमा पालना गर्न निर्देशन दिएको छ । जेड आकारमा विद्यार्थीको बसाइ व्यवस्था गरी परीक्षा सञ्चालन गर्न मन्त्रालयले आग्रह गरेको छ ।

प्रतिक्रिया राख्नुहोस्

सम्बन्धित खबर

Back to top button