ब्याड बनीको समीक्षक–प्रशंसित एल्बम ‘डेबी टिरार मास फोटोस’ ले २०२६ ग्रेमी अवार्डममा वर्षको एल्बमको पुरस्कार जित्दै इतिहास बनाएको छ । स्पेनिस भाषाको एल्बमले शीर्ष पुरस्कार प्राप्त गरेको यो पहिलो पटक हो ।
स्वीकृति भाषणमा उहाँले पोर्टो रिकोको सानो आकारको टापुको मजाक गर्दै भन्नुभयो, “हामीले हासिल गर्न नसक्ने केही छैन । भगवानलाई धन्यवाद, एकेडेमीलाई धन्यवाद, मेरो करियरमा मलाई विश्वास गर्ने सबैलाई धन्यवाद । यस एल्बममा काम गर्ने सबैलाई धन्यवाद, आमा, तपाईंलाई माया गर्छु ।”
त्यसपछि उहाँले अङ्ग्रेजीमा भन्नुभयो, “म यो पुरस्कार ती सबैलाई समर्पित गर्न चाहन्छु जसले आफ्नो सपनाहरू पछ्याउन आफ्नो मातृभूमि छोड्नुपरेको थियो ।” उक्त पुरस्कार ह्यारी स्टाइल्सले प्रदान गर्नुभयो । स्टाइल्सले सन् २०२३ मा ‘ह्यारीज हाउस’ का लागि शीर्ष पुरस्कार जित्नुभएको थियो । त्यस वर्ष ब्याड बनीलाई ‘अन भेरानो सिन टी’ बाट हराइएको थियो ।
अमेरिकी आप्रवासन र सीमा सुरक्षा एजेन्सी (आइस) को नीतिविरुद्धको आइस विरोधी सन्देशहरू पनि मञ्चमा प्रमुख रहे । बिली इलिशले ‘वाइल्डफ्लावर’ का लागि वर्षको गीत जित्दै आप्रवासन अधिकारीहरूको आलोचना गर्नुभयो ।
उहाँ भन्नुभयो, “चोरी गरिएको जमिनमा कोही अवैध छैन ।” यसैगरी, ब्याड बनीले म्युसिका अर्बाना एल्बमका लागि पुरस्कार प्राप्त गर्दै सबै मानवताको महत्त्व र आइस विरोधी सन्देश साझा गर्नुभयो ।
ओलिभिया डिन पहिलो पटक उत्कृष्ट नयाँ कलाकार घोषित हुनुभयो । आँसु लुकाउँदै उहाँ भन्नुभयो, “म यहाँ एकजना आप्रासीकी नातिनीका रूपमा छु । म साहसी भएर जन्मिएको व्यक्ति हुँ र ती मानिसहरू जसले कठिन परिस्थितिमा सङ्घर्ष गरे, सम्मानका योग्य छन् ।”
केहलानीले आफ्नो पहिलो ग्रेमी भाषणलाई आइसको विरोधमा ‘इमा, यसो भन्नुहोस्’ भन्दै अन्त्य गर्नुभयो । ग्लोरिया एस्टेफानले वर्तमान राजनीतिक सङ्कटप्रति चिन्ता व्यक्त गर्नुभयो ।
केन्ड्रिक लामार र एसजेडएले ‘लुथर’ का लागि वर्षको रेकर्ड जितेर र्याप एल्बम पनि जित्नुभयो । लामारले जे–जेडको रेकर्ड तोड्दै सबैभन्दा धेरै ग्रेमी जित्ने र्यापर बन्नुभयो ।
लेडी गागाले पप भोकल एल्बम ‘मेहेम’ जित्नुभयो भने लोला यङले पप एकल प्रदर्शन ‘मेसी’ का लागि पुरस्कार प्राप्त गर्नुभयो । जेली रोलले ‘ब्युटीफुल्ली ब्रोकन’ मा उत्कृष्ट समकालीन कन्ट्री एल्बम जित्नुभयो । फ्यारेल विलियम्सले डा. ड्रे ग्लोबल इम्प्याक्ट अवार्ड प्राप्त गर्नुभयो ।
लाइभ कन्सर्टमा डि ‘एन्जेलो र रोबर्टा फ्ल्याकको साङ्गीतिक विरासत सम्मान गर्नुभयो । लौरिन हिल सन् १९९९ पछि पहिलो पटक ग्रेमी मञ्चमा फर्किनुभयो । टायलर, द क्रिएटर र अन्यले अवान्ट–गार्डे प्रदर्शन प्रस्तुत गर्नुभयो । यसैगरी, विभिन्न विधाका मनोनीतहरूले आफ्नो साङ्गीतिक प्रतिभा प्रस्तुत गर्दै दर्शकलाई आकर्षित गर्नुभयो ।
६८ औँ ग्रेमी अवार्ड समारोह पूर्व पिकक थिएटरमा प्रिमियर समारोह पनि सम्पन्न भएको थियो । ‘केपीओपी डेमन हन्टर्स’ को ‘गोल्डेन’ ले पहिलो पटक के–पप गीतका लागि पुरस्कार जित्नुभयो ।
चलचित्र ‘म्युजिक फर जोन विलियम्स’ मा पनि पुरस्कार प्रदान गर्नुभयो, जसले निर्देशक स्टिभन स्पिलबर्गलाई पहिलो ग्रेमी जित्न सहयोग गर्नुभयो ।
प्रतिक्रिया राख्नुहोस्