खेलकूदमा पहिलो स्थान हाँसिल गरी स्वर्णपदक जितेका खेलाडी कुनै कारणले अयोग्य ठहरिए उनको पदक खोस्दै दोस्रो हुनेलाई स्वर्णपदक दिइन्छ । तर, निर्वाचनमा त्यस्तो चलन अहिलेसम्म चलेको छैन ।
खेलमा पहिलो हुने अयोग्य भए दोस्रो भएकालाई स्वर्णपदक दिइन्छ । यही मान्यताका साथ चितवन क्षेत्र नम्बर २ मा दोस्रो स्थानमा रहनुभएका उमेश श्रेष्ठले आफूलाई निर्वाचित घोषणा गर्न माग गर्दै निर्वाचन आयोग पुग्नुभएको छ ।
चितवन २ बाट प्रतिनिधिसभामा राष्ट्रिय स्वतन्त्र पार्टी (रास्वपा) सभापति रवि लामिछाने ४९ हजार २६४ मतका साथ निर्वाचित हुँदा श्रेष्ठले १४ हजार ९८३ मत पाएर दोस्रो स्थानमा रहनुभएको थियो । १३ माघमा सर्वोच्च अदालतले रविसँग नेपाली नागरिकता नभएको उम्मेदवार नै हुन नसक्ने फैसला गरेको थियो ।
रविको नागरिकतालाई लिएर उजुरी परे पनि निर्वाचन आयोगले समयमै निर्णय नगर्दा आफू अन्यायमा परेको श्रेष्ठको जिकिर छ ।
जित्ने र हार्ने दुबैलाई अन्याय भएकाले नजिर बसोस् भनेर आफू आयोग गएको बताउँदै श्रेष्ठले लामिछानको निवेदन प्रक्रिया नै रद्द भएपछि आफ्नो मेरो दाबी भएको बताउनुभयो ।
प्रतिक्रिया राख्नुहोस्