कप्तान रोहित र करणको सुझबुझपूर्ण ब्याटिङको मद्दतले लगभग हारको नजिक पुगेको नेपालले स्कटल्याण्डलाई २ विकेटले पराजित गरी आईसीसी विश्वकप लिग-२ को त्रिदेशीय श्रृङ्खलामा क्लिनसिप गरेको छ ।
श्रृङ्खलाको अन्तिम खेलमा मंगलबार स्कटल्याण्डले दिएको २१३ रनको विजयी लक्ष्य लछ्याउने क्रममा नेपालका लागि कप्तान रोहित पौडेलले कप्तानी इनिङ्सको मद्दतले कठिन जित हात पारेको हो ।
एकपछि अर्को गर्दै लगातार विकेट गुमाएको नेपालका लागि रोहितलाई अन्तिमसम्म अर्का अलराउण्डर करण केसीले उत्कृष्ट साथ दिंदै चारवटै खेल आफ्नो पक्षमा पारेर लिग२ मा नयाँ रेकर्ड कायम गरेको छ ।
नेपाली बलरहरुले उत्कृष्ट प्रदर्शन गर्दै स्कटल्याण्डलाई २१२ रनमा सिमित गरे पनि सो लक्ष्य भेट्टाउन नेपाललाई निकै कठिन भएको थियो । यसअघिका तीन म्याचमा २७५ रनभन्दाा बढीको लक्ष्य सजिलै भेट्टाएको नेपालको आजको ब्याटिङ धर्मराएको थियो ।
नेपालले ६१ रन बनाउँदा आफ्ना महत्वपूर्ण पाँच विकेट गुमाइसकेको थियो । एक सय ३८ रन बनाउँदा आठ विकेट गुमाएको अवस्थामा नेपाली पारीलाई कप्तान रोहितकुमार पौडेल र अलराउण्डर करण केसीले उत्कृष्ट खेल प्रदर्शन गरेपछि सिरिजको उपाधि सुरक्षित सम्भव भएको हो ।
दुवैबीच ७५ रनको साझेदारी भएको हो । कप्तान पौडलेले अविजित ९५ तथा केसीले ३१ रनको योगदान दिए । यस्तै ज्ञानेन्द्र मल्लले २१, कुशल मल्लले १७ र आशिफ शेखले १२ रन बनाए । बलिङतर्फ स्कटल्याण्डका मार्क वाटले तीन र क्रिस ग्रेभ्ब्सले दुई विकेट लिए ।
यसअघि दुई सय १२ रन बनाउने क्रममा स्कटल्याण्डका लागि जर्ज मुन्शेले सर्वाधिक ६० रनको योगदान दिए । उनले ५० बलमा नौ चौका र दुई छक्काको मद्दतमा ६० रन बनाए । यस्तै म्याथ्यु क्रसले ४२, ब्रेन्डन म्याकुलमले ३१ तथा काइल कोट्जर र क्रिसटोफर म्याकब्राइडले समान २२/२२ रन बनाए ।
बलिङतर्फ नेपालका सन्दीप लामिछानेले चार विकेट लिए । यस्तै करण केसीले तीन, ललितनारायण राजवंशी र कुशल मल्लले समान एक एक विकेट लिए । यसअघिको खेलमा पनि नेपालले स्कटल्याण्डलाई तीन विकेटले हराएको थियो ।
यस्तै नेपालले नामिबियाविरुद्धको पहिलो खेल दुई विकेटले र दोस्रो खेल तीन विकेटले जितेको थियो । लिग–२ मा नेपाल २६ अङ्कका साथ छैटौँ स्थानमा छ ।
नेपालले हालसम्म खेलेका २८ खेलमध्ये १२ मा जित तथा १४ खेलमा हार बेहोरेको छ । यस्तै स्कटल्याण्डले ३६ खेलमा ५० अङ्क जोड्दै शीर्षस्थान रहँदै लिग–२ टुङ्ग्याएको छ । स्कटल्याण्ड लिग–२ को च्याम्पियनसमेत बनेको छ ।
यस्तै जारी सिरिजमा चारवटै खेलमा पराजित भएको नामिबियाले हालसम्म ३४ खेल खेल्दै ३७ अङ्क जोडेको छ । नामिबिया लिग–२ को तेस्रो स्थानमा छ ।
सुरुवाति विकेट सस्तैमा गुमाए पनि नेपालले स्कटल्याण्डले दिएको २१३ रनको लक्ष्य ४४.१ ओभरमा ८ विकेटको क्षतिमा पूरा गरेको हो । नेपाललाई विजयी गराउन कप्तान पौडेलले ९५ र करण केसीले ३१ रनमा अविजित रहँदै नेपाललाई ऐतिहासिक जित दिलाए ।
स्कटल्याण्डमाथि नेपाली बलर हावी, जितका लागि पायो २१३ रनको लक्ष्य
प्रतिक्रिया राख्नुहोस्