विगत एक वर्षयतादेखि रुसको आक्रमणको सामना गरिरहेको युक्रेनबाट शरणार्थीका रुपमा जापान प्रवेश गर्नेको संख्या बढ्दै गएको छ ।
रुसको आक्रमण सुरु भएदेखि यही फेब्रुअरी १५ सम्म युक्रेनबाट कुल २,३०२ विस्थापित व्यक्ति जापान आइपुगेको अध्यागमन एजेन्सीले जनाएको छ।
अध्यागमन सेवा एजेन्सीले विस्थापितमध्ये ६०२ पुरुष र १,७०० महिला रहेको बताएको छ। जसमध्ये ४३९ जना १७ वर्ष वा सोभन्दा कम उमेरका छन् भने १,५६३ व्यक्ति १८ देखि ६० वर्ष र ३०० व्यक्ति ६० वर्ष भन्दा माथिका छन्।
गत वर्ष मार्चमा ३५१ शरणार्थी आएको बताएको छ। आगन्तुकहरूको उच्चतम संख्या अघिल्लो महिना ४७१ रहेको थियो । पछिल्ला महिनाहरूमा यस वर्षको जनवरीमा थप ३५ र फेब्रुअरी १५ सम्ममा २९ जना आइपुगेका थिए। ११२ जनाले यसअघि नै जापान छोडिसकेका छन् ।
जापानमा आफन्त वा चिनजान नभएका शरणार्थीहरूलाई जापान सरकारले अस्थायी बसोबास दिने गरेको छ । जसमा फेब्रुअरी १५ सम्म ६४ जना होटलमा बसेका थिए ।
शरणार्थीहरूलाई सुरुमा ९० दिनको भिसा दिइन्छ। त्यसपछि तिनीहरूले ‘निर्दिष्ट गतिविधिहरू’ निवास स्थिति प्राप्त गर्न सक्छन्, जसले तिनीहरूलाई एक वर्ष सम्म देशमा बस्न र काम गर्न अनुमति दिन्छ।
प्रतिक्रिया राख्नुहोस्