चीनबाट अनुदानमा आउने कोरोना संक्रमितहरुको उपचारका लागि आवश्यक पर्ने स्वास्थ्य सामग्री तथा उपकरण ल्याउन ढिला हुने भएपछि सरकारले आफैं चीन गएर ती सामग्री ल्याउने भएको छ । यसका लागि शनिबार नेपाल एयरलाइन्सको जहाज चीनतर्फ जाने भएको छ ।
समाचार अनुसार नेपाल सरकारले आफ्नै खर्चमा नेपाल एयरलाइन्सको वाइडबडी जहाज चीनको गोञ्जाओमा जाने र त्यहाँबाट स्वास्थ्य सामग्री संकलन गरी ल्याउने भएको हो ।
एक मन्त्रीका अनुसार चीन सरकारले अनुदानको रूपमा दिने भनेको स्वास्थ्य सामग्री आउन केही समय लाग्ने भएकोले नेपाल सरकार आफैंले स्वास्थ्य सामग्री ल्याउन लागेको हो ।
उहाँका अनुसार स्वास्थ्य सामग्री आइतबारसम्म नेपाल आइपुग्ने छ । आइतबार दिउँसो नै नेपाली सेनाले हेलिकप्टरबाट उक्त सामग्री विभिन्न स्थानमा बाँड्ने योजना सरकारको छ ।
प्रतिक्रिया राख्नुहोस्