जापान सरकारले विश्वव्यापी महामारीको रुप लिइरहेको कोरोना भाइरसको संक्रमण बिस्फोटक रुपमा फैलन थालेपछि कोरोनाबाट अत्यधिक प्रभावित देश अमेरिकाबाट आउन र त्यता जान प्रतिबन्ध लगाउने योजनामा रहेको छ ।
यसअघि जापानले अमेरिका, चीन, दक्षिण कोरिया र युरोपका सम्पूर्ण देश तथा दक्षिणपूर्वी एसियाका केही भागबाट आउने यात्रुलाई प्रतिबन्ध लगाएको थियो ।
अब अमरिकाको सबै क्षेत्रमा यात्रा प्रतिबन्ध लगाउने तयारी गरेको छ । एनएचकेका अनुसार अमेरिकामा कोरोना भाइरस संक्रमणको तीब्र वृद्धि भैरहेपछि जापानले अमेरिकाको यात्रा प्रतिबन्धपछि जापान प्रवेशको दुई हप्ताअघि अमेरिकामा रहेका मानिसलाई प्रतिबन्ध लगाउने छ ।
त्यसै गरी सरकारले चीन, दक्षिण कोरिया, बेलायत र युरोपका अधिकांश क्षेत्र र थाइल्याण्ड लगायत दक्षिणपूर्वी एसियाकाा केही क्षेत्रलाई पनि सोही स्तरको प्रतिबन्ध लगाउने योजना बनाइरहेको छ । यो निर्णयपछि विश्व्का लगभग एक तिहाई देश तथा क्षेत्रका नागरिकलाई विशिष्ठ परिस्थिति बाहेक जापान प्रवेशमा प्रतिबन्ध लगाइने छ ।
प्रतिक्रिया राख्नुहोस्